Lugo, a 4 de xuño de 2013.- O Grupo Provincial do Partido Popular vén de rexistrar esta mañá unha pregunta plenaria dirixida ao presidente provincial, José Ramón Gómez Besteiro, a través da que solicitan explicacións sobre o informe técnico interno ao que tiveron acceso os populares no que se reflexa un desfase do 50% entre as unidades de obra certificadas e as realmente executadas na obra de Marco de Álvare-As Rodrigas (Riotorto).
Os populares lembran que o seu grupo presentou ante o Ministero Fiscal este estudo, rexistrado no ente provincial, o 12 de abril de 2013 e elaborado por un enxeñeiro técnico da área de Vías e Obras no que se detecta un desfase superior aos 190.319 euros entre as unidades de obra certificadas e as realmente executadas. Dunha forma máis concreta, este escrito recolle que, a data 31 de outubro de 2012, o importe certificado nesta obra ascende a 400.060,36 euros, mentres que o importe executado é de 209.741,14 euros.
Os populares vense obrigados de novo a denunciar a existencia de datos discordantes tendo en conta a acta da Xunta de Goberno de 31 de maio de 2013, na que se recolle que a obra arroxa un saldo a favor da Deputación de 36.990,50 euros.
Os populares aseguran que os datos “son manifestamente contraditorios” e “queremos coñecer cales son as razóns que provocan esta diferenza numérica e máis se lembramos as declaracións do equipo de goberno que evidenciaban a finais de abril un descoñecemento de cal era a situación real”.
Así o puxeron de manifesto os populares, que amosan a máxima precaución ante esta situación ao poder estar ante un suposto moi grave de posible pagos de obras sen executar e reiteran a súa intencionalidade de seguir desenvolvendo a súa labor de oposición e pedindo explicacións ante esta situación que cando menos, amosan sospeitas.
Aparente operación de xustificación do desfase
Os populares lembran incluso a evidencia dunha posible operación de xustificación deste desfase superior aos 190.000 euros, ao ter en conta que, ao parecer este informe que alerta da situación fora desatendido, xa que pedían que se realizara a medición con respecto ao proxecto de modificado nº2, non en relación ao proxecto de modificado nº1, tal e como se fixo. Sen embargo, en resposta a unha pregunta plenaria, o propio equipo de goberno recoñeceu que este proxecto nº2 “estaba aínda sen rematar”, polo que non se pode facer ningunha comparativa respecto a el.
Falta de credibilidade
Estes datos, aos que tiveron acceso os populares, pon en tela de xuízo a credibilidade de José Ramón Gómez Besteiro e do eu equipo de goberno. Tanto é así que as declaracións do propio Martinez evidenciaban un descoñecemento da situación fai un mes cando aseguraba que “se a Deputación detecta que a empresa cobrou máis cartos do que lle correspondería pola obra executada, reclamará a diferenza á concesionaria”.
Unhas declaracións que sorprenderon aos populares tendo en conta que o último pago efectuarase o 28 de setembro de 2012 e máxime cando no expediente figuraba unha proposta de resolución contractual de mutuo acordo entre a empresa e a Deputación de Lugo con data 1 de febreiro de 2013, materializando a vontade do organismo de devolver o aval, que agora se lle reclama a empresa por incumprimento dos prazos parciais de execución.
Os populares piden unha rápida resposta para os veciños
En relación a aprobación, na xunta de goberno do pasado venres, da redacción do correspondente proxecto das obras, unha vez que se resolveu o contrato coa adxudicataria; os populares piden a maior premura e axilidade co obxecto de darlles unha resposta frutífera aos veciños de Riotorto que están a espera de que se remate unha obra que fora adxudicada no ano 2007, resolvéndose este primeiro contrato no 2010 por demora da Deputación á hora de levar adiante o procedemento pertinente.
As citadas obras adxudicáranse novamente o 25 de febreiro de 2011, cun prazo de execución de 6 meses, mentres os veciños están a espera de que se remate unha estrada prioritaria para o municipio de Riotorto, por ser a que soporta maior número de tráfico diario e ser o único enlace coa capital lucense.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
