O Barqueiro acolle as III Xornadas “Memoria dun tempo”

A Asociación Nordés organiza as Xornadas “Memoria dun tempo” no concello de Mañón, concretamente no pobo do Barqueiro entre os días 22 e 23 de agosto.

Este ano o programa diversifica os seus contidos abrindo o espectro da chamada “memoria histórica” a aquela que é allea á Guerra Civil e as súas tráxicas consecuencias, máis sen esquecer a recuperación dos feitos desa época como se poderá comprobar ó olla o contido dos actos.

Deste xeito, o xoves de 22 de agosto ás 8 da tarde no espazo cultural do Bar Queiro comenzaran as devanditas xornadas cunha conferencia de Hixinio Puentes Novo (profesor, escritor e investigador nado non Porto do Barqueiro en 1952) previa introdutoria de Luis Real pola Asociación Nordés.

A conferencia, baixo o título “Historia dun paquete de tabaco. A traxedia do Carranza” tratará dun feito que permanecía na memoria familiar dalgunhas casas de distintos pobos de Galiza: o afundimento do pesqueiro “Almirante José de Carranza” o 19 de setembro de 1940 a mans dun submariño italiano, e no que pereceron 14 mariñeiros de Ribeira, Portoson, Noia, Boiro, Tarragona, Cariño, Pobra do Caramiñal, O Vicedo e O Barqueiro.

Ó día seguinte, venres 23, e á mesma hora e lugar, facerase un acto conxunto entre Andrés Santalla López, profesor e investigador ferrolán especializado na temática da represión e depuración dos mestres en Galiza durante a Guerra Civil e o franquismo, facendo especial mención ó mestre nado en Mañón e docente en San Clodio (Ortigueira), José Novás Soto, quen foi fusilado en Ferrol ó pouco do golpe militar. A continuación contaremos coa testemuña de Hilda Farfante Gayo, quen nos falará do que lles aconteceu ós seus pais, ámbolos dous mestres en Asturias, e fusilados polos falanxistas. Hilda Farfante é unha activista de sona pola recuperación da memoria histórica.

As xornadas entrarán no seu derradeiro día cun fato de actos que darán comezo ás 7 da tarde cunha homenaxe ós republicanos e libertarios no monolito sito na Ponte de Barqueiro. Unha vez rematado irase ó Restaurante Relojes, onde ás 9 farase unha cea de Irmandade para rematar ás 11 e media da noite no Bar Queiro cun recital de Andrés Fernández (músico acompañante de Suso Vaamonde) baixo o título “Cancións para un tempo de loita”, que fará un percorrido por temas coñecidos dos cantautores e grupos que expresaban un compromiso social e político nos anos 70 e 80 (Benedicto, Bibiano, Suso Vaamonde, etc).