CERVO .- O Alcalde de Cervo, Alfonso Villares, mantivo varios encontros en Santiago de Compostela con altos cargos e responsables da administración da nova Xunta de Galicia. A primeira das citas do rexedor municipal foi co director xeral de Patrimonio Cultural José Manuel Rey Pichel. Tamén reuníuse co director xeral de política financeira e tesouro, Eugenio García Lalinde.
COMPLEXO HISTÓRICO ARTÍSTICO DE SARGADELOS
Tras as xestións do rexedor cervense a Xunta de Galicia adquiriu o compromiso de axilizar a aprobación do Plan Especial de Protección do Conxunto Histórico Artístico de Sargadelos. Unha actuación bloqueada durante os últimos catro anos de xestión da Xunta bipartita o que implicou que Cervo deixara de recibir un investimento de preto de cinco millóns de euros comprometido no seu día polo Vicepresidente do Executivo autonómico o nacionalista Anxo Quintana.
O Plan Especial de Protección do complexo histórico-artístico, espazo declarado como Ben de Interese Cultura (BIC) ten por obxecto regular a recuperación do contorno do complexo siderúrxico e cerámico fundado a finais do século XVIII. Entre as actuacións propostas están a creación dun Hotel da Natureza nos edificios recuperados neste espazo de amplo valor arqueolóxico.
XACEMENTO PUNTA ATALAIA
Alfonso Villares tamén quixo trasladar ao director xeral de Protección Cultural a preocupación do Concello de Cervo pola preservación do xacemento castrexo aparecido na península da Atalaia de San Ciprián. Jose Manuel Rey Pichel comprometeuse a estudar esta cuestión e valorar as actuacións a seguir unha vez se dispoñan de todos os informes técnicos que están a elaborar os arqueólogos que investigan os achadegos.
ERE NA CERÁMICA DE SARGADELOS
Mención especial merece o relativo á situación pola que están a pasar os traballadores da empresa Cerámica de Sargadelos, que na actualidade vense afectados nun expediente de regulación de emprego. Villares logrou o compromiso da área de Cultura da Xunta de Galicia para interesarse sobre esta problemática, tendo en conta que esta compañía representa máis ca unha simple entidade privada, forma parte do importante patrimonio cultural de Galicia, e sinal de identidade dos produtos galegos e desenvolve unha ampla labor artística e promoción da actividade cultural.
COOPERACIÓN DOS CONCELLOS EN TEMPOS DE CRISE
En relación coa xuntanza mantida co director xeral de política financeira e tesouro, Eugenio García Lalinde, o Alcalde de Cervo logrou que a Xunta de Galicia comprometérase a colaborar na xestión e axilización das liñas de axudas que na actualidade os distintos concellos teñen dispoñibles co obxecto de cooperar coas administracións locais para superar a actual situación de crise e mellorar o balance financeiro.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
