RIOTORTO, 25 de outubro de 2013.- “Riotorto perde definitivamente a residencia para persoas maiores e dependentes á que renunciou o alcalde”, así o denuncian este venres desde o Partido Popular local tras coñecerse a decisión da Xunta de Goberno da Deputación de Lugo de destinar os recursos comprometidos para o centro de benestar en Riotorto ao veciño municipio de Ribadeo.
Os populares temían que acontecera esta situación da que alertaron en múltiples ocasións no pasado e sinalan como máximo responsable desta perda ao alcalde, o nacionalista Federico Gutiérrez Estoa “que, tan dado a dar leccións no ámbito social, á hora da verdade antepon os intereses partidistas do BNG ás necesidades do seus veciños”.
“Os nosos veciños non se poden permitir o luxo de perder esta infraestrutura tan demandada e necesaria para o noso municipio e moito menos facelo porque así lle interesa ao BNG. O Goberno local e a Deputación non poden atropellar deste xeito a este concello e teñen a obriga de facer o que comprometeu”- insisten desde o Partido Popular.
Os populares lembran que a renuncia do alcalde supón botar a perder un investimento na localidade de 1.400.000 euros, para unha poboación cun amplo número de persoas maiores, así como a consecuente creación de postos de traballo
NON É EXEMPLO
Tendo en conta a mala xestión protagonizada polo alcalde e a súa incapacidade para xestionar os intereses municipais os populares dúbidan que Gutiérrez Estoa poida ser exemplo de nada fóra: que non pretenda liderar ningún proxecto fóra cando non é capaz de estar á altura no seu concello, nin conseguir a residencia coa que se comprometeu cos seus veciños
RENUNCIA DO ALCALDE
Ata en dúas ocasións Gutiérrez Estoa renunciou á residencia que debería construir a Deputación en Riotorto: cando desistiu do investimento e cando decidiu negarse a rectificar esta decisión a pesar da petición formal dos populares que convocaron un pleno extraordinario con este obxecto.
Todo iso a pesar de que en 2011, o propio pleno municipal ratificaba o expediente para a compra da parcela onde se asentaría a residencia e solicitaba un crédito bancario para tal fin, un endebedamento hoxe inútil.
Unha segunda ocasión foi a sesión plenaria extraordinaria cando, insisten desde o PP, quedou patente que o BNG non quere a residencia nin o centro de día en Riotorto, pese a haber un dotación nos orzamentos da Deputación Provincial de Lugo para construír esta infraestrutura na localidade.
Os populares finalizan cualificando o acontecido como a historia dunha gran mentira protagonizada polas incongruencias do alcalde, que daba un paso adiante e tres cara atrás e por cuxa incompetencia e falta de iniciativa política Riotorto perde definitivamente a súa residencia.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
