Máis de 100 mozos titulados lucenses comezan este martes a fase de selección para optar a unha das 70 bolsas Leonardo da Vinci, que lles permitirán recibir formación especializada durante 3 meses en empresas estranxeiras a custe cero. Esta iniciativa, impulsada polo organismo lugués e cofinanciada pola Unión Europea, permite que os seus beneficiarios, todos eles titulados universitarios ou en Formación Profesional, completen a súa formación en Europa, en concreto en Alemaña, Austria, Italia, Portugal, República Checa, Reino Unido e Irlanda.
Os aspirantes concentráronse este martes, ás 16:30 horas, no Salón de Actos do Pazo de San Marcos, para realizar unha proba de coñecementos consistente nun cuestionario tipo test de 20 preguntas. Este test ten como obxectivo valorar os coñecementos de cada aspirante na súa especialidade, atendendo en especial ás características sociais e económicas da provincia de Lugo, así coma o coñecemento do propio programa de bolsas, e doutros programas europeos vencellados á institución provincial.
Os resultados desta pobra publicaranse en datas vindeiras, coas puntuacións respectivas, no Taboleiro de Anuncios e na web www.deputacionlugo.org. Aqueles aspirantes que superen esta primeira proba, pasarán á seguinte fase.
Baremo de méritos e entrevista
O proceso para adxudicar as 70 bolsas continuará coa fase de concurso, na que unha Comisión Técnica valorará os méritos acreditados por cada un dos candidatos, e a entrevista persoal, que terá como finalidade poder apreciar o grao de madurez e dominio dos coñecementos acreditados no currículo.
Unha parte desta entrevista realizarase en inglés, para acreditar que posúen capacidade suficiente para desenvolverse nos países de destino.
De calquera xeito, a entrevista versará sobre o grao de formación xeral e técnica, na que se valorará principalmente a aptitude e actitude para as prácticas convocadas.
Formación de calidade a custe cero
Este programa formativo, dotado con máis de 300.000 euros cofinanciados pola Unión Europea, ten como obxectivo permitir a mozos lucenses formarse en Europa para, á súa volta, poder poñer en práctica os coñecementos adquiridos. Isto supón unha inmellorable oportunidade de optar a unha formación de calidade a custe cero, gañando experiencia profesional en empresas punteiras doutros países.
As bolsas Leonardo da Vinci convertiron á Deputación de Lugo na única das administracións provinciais galegas á que Europa aprobou dous programas de bolsas diferentes, unha para universitarios e outra para titulados en Formación Profesional.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
