O Burela FS Pescados Rubén volveu demostrar na tarde deste sábado a súa continua evolución. Os pupilos de Juanlu impuxéronse á revelación de Montesinos Jumilla FS (2-0) grazas a unha primeira parte de dominio absoluto e ataque efectivo e cun segundo período de solidez defensiva. Con estes tres puntos, os laranxas escalan á sexta praza (14 puntos), co soño da Copa cada vez máis preto, na semana previa á xornada de descanso.
A escuadra burelista saíu pisando forte á pista de Vista Alegre, consciente da importancia do que estaba en xogo. O asedio sobre a portería do Montesinos tivo o seu primeiro premio antes do segundo minuto, con Hugo. Tras as tentativas de Antoñito, a pase de Hugo (minuto 2), e Matamoros, nun control de lonxe (minuto 3), os de Juanlu puideron subir o 2-0 ao electrónico nun balón roubado que chocou contra o corpo de Yeray (minuto 6). Os murcianos, sen apenas marxe de movemento, non conseguiron adiantar filas ata o minuto 11; nesa primeira oportunidade, os paus evitaron o empate dos visitantes. Álex estivo moi acertado nunha loita formada na área laranxa co esférico para Rubén Zamora. Logo da intervención de Juanma de lonxe para intentar sorprender o meta de Montesinos, chegou o merecido 2-0, nun centro de Iago Míguez que meteu Pizarro baixo os paus en acción defensiva. Matamoros, no 17, e Mimi, en corpo a corpo co porteiro a falta de 20 segundos para finalizar o primeiro tempo, tiveron nos seus pés o 3-0. A bucina soou con Rubén Zamora como porteiro-xogador.
Tras o descanso, equilibrouse a contenda. O Jumilla viu a súa primeira oportunidade no minuto 22, cun disparo de Boyis desbaratado por Álex. A ocasión laranxa protagonizouna Matamoros a balón parado. O traballo defensivo intensificouse para os burelistas coa chegada de Edu, que substituíu no 23 a Álex, con molestias nun xeonllo tras un despexamento na recta final do primeiro período. Rozando o 30, Josiko intentou sorprender o porteiro naronés tras roubo a Hugo, sen éxito. En xogada de estratexia volveu dispor dunha ocasión de ouro o Pescados Rubén para sentenciar o encontro, con Antoñito, nun balón que sacou da escuadra Yeray. O equipo levantino volveu apostar polo xogo de cinco para a remontada, con Cristian, a falta de sete minutos para o final. As táboas do meta galego frearon as arremetidas do Jumilla, co apoio dunha defensa laranxa que permaneceu firme. Entre as máis perigosas, Edu saíu vitorioso nun envelenado man a man con Ique no minuto 35. Nos últimos segundos, Mimi tivo nas súas zapatillas o 3-0 a porta baleira, rozando o pau.
Ficha técnica
Burela FS Pescados Rubén: Álex, Mimi, Hugo, Matamoros, Antoñito, cinco inicial; tamén xogaron Burrito, Iago Míguez, Isi, Juanma, Edu.
Montesinos Jumilla FS: Yeray, Boyis, Ique, Chinés, Pichi, cinco inicial; tamén xogaron Pizarro, Cristian, Rubén Zamora, Josiko, Baca, Rober.
Goles: 1-0, minuto 1, Hugo; 2-0, minuto 14, Iago Míguez (Pizarro p.p.)
Árbitros: Felipe Madorrán // Gereta Ramírez (País Vasco)
Tarxetas: Por Montesinos, amarela a Cristian (minuto 34), Pizarro (minuto 37), Josiko (40)
Incidencias: Partido correspondente á novena xornada de Primeira División LNFS (Vista Alegre), emitido en directo por TVG2, con máis de 1.000 espectadores nas bancadas.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
