O IES de Mondoñedo comprométese coa súa paisaxe

Os alumnos do Instituto Pluriligüe San Rosendo de Mondoñedo están a traballar por medio de dinámicas baseadas no traballo colaborativo no Plan Proxecta na modalidade de Sustentabilidade e Paisaxe.

Trátase dun programa interdisciplinar promovido pola Consellería de Educación para o desenvolvemento paralelo das competencias básicas e a educación en valores, neste caso co respecto ó noso entorno, a nosa paisaxe e as nosas tradicións.

Os alumnos de 4º da ESO son algúns dos participantes que estudan a paisaxe: as árbores autóctonas, as flores, a colleita de productos do seu medio (como a faba, a mazá ou os cogomelos), os animais do seu entorno, os ríos e a importancia das tarefas de reciclaxe.

Dende o centro preténdese mellorar a educación ambiental dos ciudadáns do noso futuro e transmitir unha concepción da paisaxe como patrimonio e como alma do territorio.