Foz, 20 de decembro de 2013. O concerto de Nadal da banda municipal de música de Foz celebrarase o día 28 deste mes, sábado, na igrexa parroquial. Está incluído na programación para estas datas promovida pola Delegación de Cultura do Concello focense, na que o próximo acto é a foliada infantil de Nadal organizada por A Subela para mañá, sábado, ás seis da tarde na sala Bahía.
Os actos continuarán a vindeira semana: o martes, día de Noiteboa, a partir das doce do mediodía haberá un concerto de panxoliñas polas rúas da vila a cargo dos alumnos e alumnas da escola de música de Foz; e Papá Noel estará tamén percorrendo a localidade, acto organizado pola asociación cultural O Feitizo. O venres, día 27, ás seis e media da tarde na sala Bahía haberá teatro infantil a cargo da compañía Os Quinquilláns, que representará a obra titulada O Merlín. E o sábado 28 ás oito da tarde terá lugar na igrexa parroquial o concerto de Nadal a cargo da banda de música municipal de Foz.
As actividades da seguinte semana empezarán o martes, día de Fin de Ano, ás doce do mediodía con outra actuación polas rúas da vila focense a cargo dos alumnos da escola de música de Foz. Xa no vindeiro ano, o sábado 4 de xaneiro ás sete e media da tarde na sala Bahía haberá un concerto da orquestra Oresmu, da escola de música de Foz.
E a programación de Nadal da Delegación Municipal de Cultura rematará o 5 de xaneiro, domingo, coa cabalgata dos Reis Magos, que sairá as sete da tarde dende a praia da Rapadoira para percorrer as rúas da vila ata chegar ao belén vivinte, organizado polo Colexio do Pilar, que estará na Praza do Concello. Ao remate haberá churros con chocolate e roscón de Reis no patio do colexio número 1.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
