O Deputado de Economía do Coñecemento, Emprendedores e Innovación, Alfredo Llano, supervisou este venres os resultados de implantación do programa Reacciona coas Tic na empresa North Atlantic, en Burela. A entidade é unha das 40 Pemes e autónomos da Mariña que participaron no programa para aumentar a súa competitividade e mellorar o seu posicionamento no mercado a través das novas tecnoloxías.
Alfredo LLano salientou que esta iniciativa dota ás entidades participantes das ferramentas informáticas necesarias para mellorar a súa xestión e proxección de mercado. Todo isto a custe cero, xa que o organismo provincial asume todos os gastos con máis de 200.000 euros de fondos europeos do Innova-TE.
Na Mariña, 36 empresas beneficiáronse deste plan da Deputación, que partiu dunha exhaustiva diagnose para atender ás necesidades reais de cada entidade e sacarlle o maior partido ás novas tecnoloxías. No caso concreto de North Atlantic, a empresa participou en 6 cursos gratuítos, -dos 18 que se organizaron dentro do programa-, cos que aprenderon a xestionar unha páxina en Facebook, un blog propio e twitter para a empresa. Ademais a entidade promociona e vende os seus produtos a través da plataforma que xestiona a Deputación www.losproductosdelugo.com aproveitando ó máximo as sinerxias das novas tecnoloxías.
Todo tipo de empresas
As entidades da Mariña que participaron no programa pertencen a sectores moi diferentes, que van dende peixerías ata construtores, pasando por talleres, transporte de mercadorías, turismo e comercio minorista, entre outros. Burela, Viveiro e Ribadeo son as vilas que máis empresas achegan ó plan con 10, 7 e 5 respectivamente, pero completan as cifras outros concellos como Lourenzá, Foz ou Trabada.
Importante aforro para PEMES e autónomos
Alfredo Llano explicou que a Deputación asume todos os custes do programa para as empresas e que estes servizos terían un custe moi elevado se os empresarios os contrataran pola súa conta. A Deputación consegue reducir custes instalando software libre e formando ós traballadores para que se encarguen eles mesmos do mantemento e xestión das ferramentas informáticas.
Reacciona coas TIC permitiu a un total de 150 negocios da provincia recibir un novo impulso á súa actividade grazas ás iniciativas incluídas no mesmo. É un programa pioneiro en Galicia porque inclúe aspectos coma a análise das necesidades informáticas destas empresas e autónomos, a dotación de ferramentas tecnolóxicas e a formación gratuíta para aproveitar do mellor xeito posible estas mesmas ferramentas. A institución provincial inviste neste programa máis de 200.000 euros, financiados ó 80% con fondos europeos, nunha clara aposta polas novas tecnoloxías e para impulsar ás Pemes e autónomos como sector económico clave na provincia.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
