Burela, 3 de febreiro de 2014. Comezaron os traballos de limpeza en Burela tras os danos causados e o material que o mar lanzou aos paseos marítimos e ao peirao esta fin de semana, segundo anunciaba este luns o alcalde, José Mª González Barcia.
O rexedor explicou que “durante esta pasada noite a intensidade do mar baixou con respecto á anterior e polo tanto aquí, en Burela, practicamente non temos que apreciar ningún dano significativo con respecto ao que xa tíñamos. En concreto ao longo do día de hoxe se espera a presenza de persoal de Portos de Galicia aquí, en Burela, para que empecen a traballar na reparación do pantalán que quedou danado con temporal da noite do sábado ao domingo. Igualmente persoal de Portos de Galicia vai proceder á limpeza da propia superficie do peirao xa que o mar saltou polo espigón e deixou moitos materiais, incluso pedras, que evidentemente hai que retirar para deixar as explanadas portuarias en condicións para o seu uso”.
González Barcia tamén se referiu aos paseos marítimos: “tanto no do Cantiño, a primeira fase, como no que vai desde Portelo ata A Marosa o Concello, en concreto neste último, xa retirou aqueles elementos construtivos do muro do paseo marítimo que poden ser reutilizados; é dicir, aqueles que non romperon en definitiva. Vaise proceder tamén á limpeza do aparcamento que hai pola parte de atrás do campo de fútbol da Marosa. E tanto no caso do porto como no dos dous paseos marítimos Costas e Portos están xa avisados, saben perfectamente cales son as incidencias que se deron aquí, en Burela. Por sorte creo que desta libramos relativamente ben, a pesares de que os mariñeiros se levaron un gran susto e estiveron toda a noite do sábado ao domingo en vilo”.
O alcalde burelés engadiu que “aquí danos persoais non houbo e en propiedades particulares hai que salientar que no Cantiño o mar subiu por encima do acantilado e rompeu un muro que divide dúas fincas. Fóra disto non houbo ningún tipo de incidente no que se refire a propiedades particulares. E na praia do Curricán o mar traballou bastante, non causou ningún estrago nas últimas infraestruturas que se fixeron alí por parte de Costas, pero si deixou bastante area acumulada na estrada de acceso ao porto”.
Mañá non haberá clases na Escola de Música e quedan suspendidas as actividads deportivas municipais
Pola súa banda, a concelleira de Educación, Mónica Pedre, acaba de anunciar que mañá suspéndense as clases na Escola Municipal de Música, tras a alerta vermella que se decretou para esta zona por mor dun novo temporal. Tamén quedan suspendidas as actividades deportivas municipais, segundo informa a concelleira de Deportes, Beatriz Piñeiro. A Comisión Escolar de Alertas da Xunta decidiu suspender a actividade escolar en todos os centros de ensino da Mariña.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
