Ribadeo, 26 de febreiro de 2014. O alcalde, Fernando Suárez, destaca que o Concello atende axiña os problemas das familias máis necesitadas de Ribadeo diante da inoperancia da Xunta, que tarda ata tres meses en resolver as denominadas axudas de emerxencia social. Ademais Suárez Barcia aclara que en ningún momento deu a coñecer a identidade dos beneficiarios desas actuacións municipais. Deste xeito rexeita as acusacións realizadas desde o PP ribadense.
O rexedor subliñou que “en ningún momento se deu dato algún dos beneficiarios das axudas, polo tanto a xente pode estar tranquila, salvo que se alarmen polo que di o señor Penabad, dando a entender que si se poden identificar. De todos os xeitos, posto en contacto cos servizos sociais municipais, dinme que no día de onte dúas persoas máis preguntaron por estas axudas, xustamente co mesmo problema da factura eléctrica, porque o viron na prensa. É dicir que de provocar algo, a noticia provoca un efecto chamada doutras persoas que están a pasar pola mesma situación”.
Para Fernando Suárez “o goberno central está en proceso de liquidación dos servizos sociais municipais coa nova lei de administración local, xa en vigor, na que lle quita estas competencias á administración máis próxima aos cidadáns, que ademais é a que resposta con máis axilidade. De feito a Xunta contempla axudas por este tipo de situación, pero tarda máis de tres meses en resolvelas, entón esas persoas atópanse con que a luz lles foi cortada. Chamábanse axudas de emerxencia social e curiosamente a Xunta ven de cambiarlles o nome na Lei 10/2013, do 27 de novembro, de inclusión social de Galicia, pasando a chamarse axudas de inclusión social, ¿terá isto algo que ver coa rapidez na resolución de expedientes?”. O alcalde ribadense engadiu que “falando de axilidade e resolución de expedientes ¿canto tempo está tardando a Xunta en resolver os expedientes de Risga?, estoume a referir a unha prestación que garante uns ingresos minimisimos en unidades familiares nas que xa é o último recurso. Pois o prazo vai máis aló dos 6 meses, e normalmente coinciden os expedientes de solicitantes de Risga e as familias con problemas para pagar os recibos”.
O rexedor considera que “o goberno estatal está a subir a luz e defende que a baixa, baixa os salarios e din que soben, soben os impostos e din que pagamos menos, esa é a rara forma que teñen no PP de entender a crise e explicarlla aos que a padecen. Son os servizos sociais municipais os que constatan cada día como familias normais non poden acender a calefacción por non poder facer fronte aos recibos. Esa é a triste e crúa realidade coa que nos atopamos case a diario”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
