Foz, 7 de marzo de 2014. Fallouse a XIII edición do certame de poemas de amor organizado pola biblioteca pública municipal de Foz e a entrega de premios realizarase no Festival dos Namorados que se celebrará o día 15 deste mes, sábado, na Casa da Cultura focense coa actuación de Najla Shami.
O concelleiro de Cultura, Ánxel Paleo Soto, explicou que “o xurado reuniuse para seleccionar os gañadores do XIII Certame de Poemas de Amor. A participación foi de 52 e hai que salientar que se recibiron varios de fóra de Foz, concretamente de localidades como Lugo, Alfoz, Vilalba, Ribadeo, As Pontes, Cee ou Ferrol. Houbo maior participación de homes que de mulleres, o máis novo ten 7 anos de idade e o maior xa cumpriu os 80.
A biblioteca pública quere agradecer a todos a participación e síntese satisfeita de que un certame destas características interese a xente de todas as idades. Agradecer tamén aos patrocinadores, Restaurante Casa Damián e Viaxes Rodríguez, a súa colaboración cos premios que ofrecemos”.
Ánxel Paleo anunciou que “a entrega dos premios realizarase no Festival dos Namorados que se celebrará o sábado dia 15 de marzo ás 20:00 horas no salón de actos da Casa da Cultura de Foz e que contará coa actuación dunha das mellores voces do panorama musical galego, Najla Shami, que nos presentará o disco A língua que eu falo, musicando poemas de Rosalía de Castro”.
Este é o listado dos premiados:
Categoría infantil:
1º Premio, lote de libros e agasallo
“Mi primer amor” – Miguel Iglesias Basteiro (Foz)
2º Premio, lote de libros e agasallo
“San Valentín” – Aralia Lomba Hermida (Foz)
Categoría Xuvenil:
1º premio, 50€ e cea
“Lume”- Marina Isabel Riesco Amurrio (Foz)
2º premio, 30€ e cea
“Cantoche isto porque o se…” Sara López Fernández (Foz)
Categoría de Adulto:
1º Premio, 100€ e noite de hotel para dúas persoas.
“Entre lecturas e choiva” – Lucía Barrera López (Foz)
2º Premio, 60€ e cea
“Lo que deseas” – SAMBAR-CIA Grupo do Centro Geriátrico San Bartolomeu de Xove
Accesit especial
“Xa non hai mais…” – Verónica Martínez Delgado (Ferrol)
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
