Ribadeo, 14 de maio de 2014. O xoves 15 de maio ábrese o prazo de inscrición nas escolas deportivas municipais de verán, que organiza a Concellaría de Deportes. Ese período abranguerá ata o fin de prazas ou ata o inicio da escola correspondente. As modalidades das que poderán disfrutar os nenos e as nenas nados entre 1999 e 2006 son as seguintes: pesca deportiva, remo, vela, surf e piragüismo.
En pesca deportiva ofértanse 20 prazas. A escola desenvolverase os días 1, 4, 7, 9, 12, 14, 19, 21, 23 e 26 de xullo de dez da mañá a dúas da tarde. En vela son 15 as prazas que se ofertan. Neste caso terá lugar os luns e os venres do mes de xuño en horario de 16 a 20 horas e tamén os días 1 e 4 de xullo no mesmo horario.
A escola de surf contará con 20 prazas e desenvolverase en xuño os martes, mércores e xoves de catro a seis da tarde. E en xullo do 1 ao 11 (de luns a venres) tamén de catro a seis.
En piragüismo ofértanse 20 prazas. A escola presentarase o 23 de xuño ás catro da tarde. E terá lugar os días 23, 25 e 30 de xuño de 16:30 a 19 horas. En xullo será os luns e os mércores no mesmo horario e continuará en agosto os días 4, 6, 11, 13, 18 e 25 tamén de 16:30 a 19 horas. E en remo haberá 15 prazas. A presentación desta escola será o 19 de xuño ás 18:30 horas, e terá lugar durante os meses de xuño, xullo e agosto os martes e os xoves de 18:30 a 20:30 horas. Neste caso desde a organización advirten que esta escola é para nen@s nad@s ata 2004 e é imprescindible que saiban nadar.
Desde a Concellaría de Deportes sinalan que terán preferencia para participar nas escolas os/as empadroados/as escolarizados/as en Ribadeo. As inscricións deben realizarse na Casa da Xuventude de luns a venres de 9 a 14 horas e martes e xoves tamén pola tarde de 16 a 19 horas. A cota será de 40 euros. O pagamento da taxa deberá facerse efectiva na conta corrente do Concello en Caixa Rural antes do comezo a escola e deben poñer no concepto matrícula escola deportiva, así coma o nome do matriculado. O resgardo debidamente cumprimentado será entregado na Casa da Xuventude. A falla do ingreso implicará a baixa na/s escola/s.
Foi o pasado venres, 30 de maio, na Finca San Antonio coa presenza de Agustín (porteiro do Madrid nos anos 80) en representación do club branco. Tamén estiveron presentes as Peñas de Viveiro, Xove e Ribadeo. Non acudiu, como estaba previsto, Tomás Roncero por problemas de saúde. No acto xuntáronse unhas 90 persoas.
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
