O congreso de Cultura Dixital e Redes Sociais #INLUGO14 impulsado pola Deputación está a renovar o éxito de participación e seguimento que logrou na súa primeira edición, o pasado ano, consolidándose deste xeito como escaparate único para proxectar á provincia no exterior. Onte, soamente nas catro horas durante as que se desenvolveu a primeira sesión do encontro, chegou a converterse en trendic topic a nivel español en Twitter e un dos cinco temas máis comentados no seu momento: case 400 usuarios da rede empregaron o hashtag InLugo, con máis de 1.500 aparicións e ata 4 millóns de impresións. Ademais, a web do encontro –www.inlugo.com- rozou as 5.000 visitas e a retransmisión en streaming rexistrou máis de 1.500 entradas, con picos de 160 persoas conectadas ó mesmo tempo durante a conferencia do xornalista, escritor e corresponsal de guerra Ramón Lobo, o acto que logrou maior poder de convocatoria. Os internautas colgaron en Instagram máis de 100 fotografías ata o momento.
As xornadas retomáronse esta mañá coa sesión “Lugo na Rede”, na que se deron a coñecer cinco empresas, iniciativas e proxectos relacionados coa Rede e con ADN lucense. Participaron Elio Laureano, de Didimox; Hugo Iglesias, de Miramar Cruceros y Nudoss; Rubén Pérez e Kathryn Phillips, Don´t be a foreigner; Santiago Martínez, Ocio en Galicia-Ocio en Lugo; e Tamara Raposo, xornalista e Community Manager. Seguidamente, Juan García, director de AdamaWeb e editor de Blogoff, galardoado polo diario 20 Minutos como mellor blog de tecnoloxía 2007 e 2º premio Bitácoras 2011, falou sobre Alfabetización dixital.
Goberno aberto
Ás 13:00 horas arrancará un espazo dedicado ó goberno aberto, unha liña de traballo pola que aposta a Deputación de Lugo para aumentar a participación cidadá e a transparencia na xestión do público, nun exercicio de profundar na democracia. Os conferenciantes na mesa redonda Open Government son Carlos Guadián (@carlosguadian), editor dende 2003 de K-Government, un dos blogs referenciais do goberno aberto; Cristina Juesas (@maripuchi), asesora do proxecto do goberno aberto do Executivo vasco; e Pablo Rivera (@priveracapon), director de Fondos Europeos da Deputación de Lugo.
Lo bueno, si breve… 8 ponencias de 15 minutos
Na sesión desta tarde, a partir das 16:30 horas, terá lugar o bloque Lo bueno, si breve…8 ponencias de 15 minutos, que inclúe as seguintes intervencións: O día que a moda chegou a Internet, Paloma Abad (@palomaabad), El País; De San Fernando a California, Alexandra Guerrero (@Drita), editora xefe de Engadget España; Imos a empezar a deixar de parecer e empezar a ser, por Clara Ávila (@claraavilaC), consultora Social Media e blogueira; A revolución das Google Glass, por Juan Barambones (@remotteglass), CEO de Remotte; Blogs e nais. O meu xefe é Ricky Martin, por Lucía Sández (@babybaballa); Máis importantes que o FBI, por Carlos Fernández, Community Manager de @policia; Así se ve o mundo dende 100 metros de altura, por Rubén e Nacho, de Air-e Lugo (@AIR_eProduccion); e Celebrities&Twitter, por Laura Pintos (@credula).
II Premios #INLUGO
Ás 19:30 horas será a entrega dos II Premios #INLUGO, cos que a Deputación recoñece aquelas iniciativas, persoas e organizacións da provincia que están a destacar no bo uso de Internet e as novas tecnoloxías en diferentes ámbitos. Presentáronse medio cento de propostas para as catro categorías do certame: Comercio, Lecer e Restauración; Educación e Formación; Cultura e Social; e Tecnoloxía.
O broche final do congreso, ás 20:00 horas, poráo Pepo Jiménez (@Kurioso), responsable da plataforma que monitoriza os contidos da rede máis exitosos, amosando Os 10 mellores momentos de Internet 2014.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
