Foz, 12 de agosto de 2014. O alcalde de Foz, Javier Jorge Castiñeira, agradeceu publicamente o traballo da asociación Sempre Foz para sacar adiante unhas festas de San Lourenzo coma as que se viviron o pasado fin de semana na vila focense. O rexedor destacou o correcto transcurso das celebracións, sen incidentes.
“Dende o Concello queremos agradecer publicamente o labor da asociación Sempre Foz, organizadora das festas do San Lourenzo. A verdade é que consideramos que foi un verdadeiro éxito de organización sen ter que salientar ningún tipo de incidente. Queremos sobre todo valorar a cantidade de actos que houbo nun fin de semana intenso no que non acompañou o tempo, aínda que iso non foi problema para que multitude de xente, miles e miles de persoas, gozaran dunhas festas verdadeiramente importantes”, explicou Javier Castiñeira.
O alcalde focense recoñeceu “a dificultade que supón a día de hoxe organizar unhas festas deste tipo, de Interese Turístico Galego” e declarou que “creo que esta xente merece un agradecemento unánime de tódolos veciños de Foz por facer un labor tan salientable sacando unhas festas adiante no mes de agosto, cando hai tamén moitos festexos noutros pobos da Mariña. Saíu todo moi ben, sen incidentes, sobre todo no momento final que é o dos fogos artificiais”.
Castiñeira felicitou a Sempre Foz “porque este ano creo que se esmeraron e porque o resultado é froito dun traballo intenso durante varios meses que temos que saber valorar todos os veciños” e personalizou o agradecemento na persoa do concelleiro de Cultura, Ánxel Paleo, “que foi capaz de capitanear un bo grupo de xente e sacar adiante estas festas das que tódolos focenses estamos moi orgullosos”.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
