Cervo, 27 de novembro de 2014- O alcalde de Cervo, Alfonso Villares, e varios membros do goberno local anunciaron este xoves que pedirán explicacións e incluso responsabilidades políticas aos dirixentes do PSOE “por crear un problema xudicial sen sentido que ao final pagarán os veciños de Cervo”.
O rexedor fai referencia á reparcelación da Unidade de Actuación do Hospital de Burela, feita no ano 1991 polo Concello de Cervo gobernado polo PSOE, e co apoio da Tesorería General de la Seguridad Social tamén en mans dun goberno socialista. Unha reparcelación que denunciou a Tesorería 16 anos despois, sendo director provincial Juan Carlos González Santín, na época de Zapatero.
Ante esta situación o Concello encargoulle a defensa xurídica á Deputación, pero aínda así, en maio de 2014, o Tribunal Superior de Xustiza de Galicia condena a Cervo a anular a reparcelación, algo imposible de cumprir xa que os terreos se atopan agora noutro municipio, o de Burela; ou ben a indemnizar á Tesorería.
Por este motivo, o Concello iniciou unha serie de contactos con esta entidade para facer a compensación a través de terreos municipais. Agora o Concello seguirá en conversacións coa Tesorería para acordar que parcelas se van ceder, as cales deberán ter un valor equivalente aos terreos que tiña a Tesorería antes da reparcelación.
En principio, o Concello propuxo ceder unha parcela dotacional de 13.000 m2 no polígono de Cuíña para compensar os 3.238 m2 de solo edificable que pertencían á Tesorería. Polo tanto, os veciños de Cervo “van perder unha parcela municipal polos erros do PSOE”, lamenta o rexedor.
Explicacións e responsabilidades
Por todos estes feitos, o Concello esixirá explicacións e responsabilidades políticas aos dirixentes do PSOE implicados neste asunto. “Temos moitas preguntas que facer e os socialistas teñen moitas cuestións que aclarar”, asegura Villares, que non entende “como se puido chegar a este sen sentido de que o Concello e os veciños teñamos que pagar por un erro creado no 91 polo PSOE e denunciado no 2007 tamén polo PSOE”.
“Queremos saber por que pasaron 16 anos ata que a Tesorería decidiu denunciar ao Concello”, unha pregunta que neste caso vai dirixida ao actual secretario provincial do PSOE e parlamentario, Juan Carlos González Santín, que no 2007 era director provincial da Tesorería en Lugo. De feito Santín é o que asina o documento no que reclama ao Concello que anule a reparcelación e foi tamén baixo o seu mandato cando a Tesorería levou este asunto aos tribunais.
O alcalde cualifica de “barbaridade política” todos os feitos que levaron a que finalmente “os veciños de Cervo sexamos os prexudicados e teñamos que perder propiedades municipais por algo que fixo o PSOE hai 23 anos”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
