A Mariña, 2 de decembro de 2014. O BNG da Mariña analizou os datos publicados pola Consellaría de Traballo e Benestar, á que cualificaron de consellaría do paro por ser incapaz de corrixir as tendencias que a propia estacionalidade non efectúa. Os datos de emprego na comarca acumulan tres meses consecutivos de subida situando a comarca con incrementos porcentuais moi por riba da media galega e tamén do conxunto da provincia. A formación nacionalista insiste en reclamar un plan de emprego específico para a comarca que afronte a situación desesperada na que se atopan moitas familias e enfoque o alto grao de desemprego do sector feminino, as persoas maiores de 25 anos e o sector servizos, os mais afectados polo paro.
A comarca da Mariña acumula o terceiro mes consecutivo de incremento do desemprego, volvendo a superar as 5000 persoas desempregadas ate chegar ás 5.113, cousa que non sucedía desde o pasado mes de xuño, cun incremento en relación a ese mes do 19%. A comarca incrementa o número de persoas desempregadas mais de dous puntos por riba da media da provincia e 5,8 puntos porcentuais por riba da media galega. En relación aos datos do conxunto da provincia onde sobe en 974 o número de persoas desempregadas en relación a outubro, das que 320 son da comarca mariñá, case un 33% do total, na súa maioría mulleres, maiores de 25 anos e do sector servizos.
Para a responsábel comarcal do BNG, Ana Ermida Igrexas, A Consellaría de Traballo debera chamarse a consellería do paro por ser incapaz de evitar as tendencias mais alá de pequenas melloras derivadas de situacións temporais como son os contratos no sector servizos na tempada de verán. Para Ermida “non temos unha conselleira de emprego, temos unha conselleira do paro mais preocupada por tapar tramas organizadas nos cursos de formación como a operación Zeta que a combater o desemprego”.
A formación nacionalista mariñá segue reclamando un plan de emprego específico para a comarca que afronte realidades concretas con solucións concretas para os sectores sociais mais agredidos polo desemprego. Lembran que na Mariña o goteo constante de empresas con EREs de extinción de contrato non cesan, poñen os exemplos de Cerámicas de Sargadelos, Gres Burela, ECAR, Mobles Hermida, incontables no sector da construción, ou agora a antiga ECESA por nomear algunhas.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
