Os xogadores do Burela FS Pescados Rubén Hélder, Renato e Aarón defenderán a Galicia Sub-19 na fase previa do Campionato de España de Seleccións Territoriais, que se disputará esta semana en Esparreguera (Barcelona). Os xogadores laranxas realizarán mañá, ás 19.30 horas, o último adestramento no pavillón compostelán de Pontepedriña antes de poñer rumbo a terras catalás.
Xunto aos representantes mariñáns compoñen a expedición Francisco Manuel Núñez, do Verín CF; Asier González, Yago Balsa e Rubén Mouriz, do AD Prone; Ismael Vázquez, Iago Otero e Daniel Quintela, do Santiago Futsal; Martín Rodríguez, do Baíña FS; e Alberto Tojeiro, do Parrulo FS.
O combinado irmandiño estará integrado no grupo C, coa anfitrioa, Cataluña, e Aragón. Os partidos disputaranse entre o venres 16 e o sábado 17, no pavillón municipal El Castell.
Venres 16 de xaneiro
11.00 horas: Cataluña-Galicia
Sábado 17 de xaneiro
11.00 horas: Galicia-Aragón
GRUPO A: Rexión de Murcia (Sede), Canarias, Castela A Mancha, Comunidade Valenciana
GRUPO B: Estremadura (Sede), Illas Baleares, Madrid, Melilla
GRUPO C: Cataluña (Sede), Galicia, Aragón
GRUPO D: Ceuta (Sede), Andalucía, País Vasco
O primeiro de cada un dos catros grupos disputará a fase final, que se decidirá en Cataluña segundo a información facilitada a Real Federación Española de Fútbol.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
