Foz, 27 de febreiro de 2015. O pleno da corporación municipal de Foz aprobou este xoves a modificación de crédito por valor de 221.000 euros para dedicar ao fomento do emprego e a execución de obras. Este asunto contou cos votos favorables dos concelleiros do goberno local popular, dos non adscritos (ex edís do PSOE) e do BNG, mentres que Jaime Cancio e Unifoz votaron en contra.
O alcalde focense, Javier Jorge Castiñeira, amosouse contento porque “saíu adiante a modificación de crédito de 221.000 euros, proposta por esta Alcaldía, basicamente para fomento do emprego, ao que se destinan 200.000 euros (140.000 para contratación directa e 60.000 para axudas a empresas que contraten empregados) e outros 20.000 para obras solicitadas polos concelleiros do grupo de non adscritos e do BNG, que foron os que colaboraron nesta modificación de crédito. Non nos chama a atención os votos en contra de Unifoz e de Xaime Cancio, que seguen sendo exactamente o mesmo, por moito que lles moleste. Estes señores dedícanse a votar en contra de todo o que propón este goberno, incluso cando ven consensuado e cando hai propostas que eles fixeron que se atenden nese plan de emprego. Xaime Cancio, que pedía no seu momento plans de emprego, agora que se fai un serio vota en contra. De Unifoz xa non nos sorprende nada porque fan o que lles manda Cancio”.
Convenio con Sogama
Pero, por outra parte, o rexedor municipal está “contrariado, porque nun dos puntos da orde do día, a renovación do convenio con Sogama, que non pensábamos que fora ter demasiado debate porque era para seguir co contrato que temos con Sogama, como teñen a maior parte dos concellos e nas mesmas condicións, chamounos a atención o voto en contra de toda a oposición. Sorpréndenos sobre todo o voto en contra do grupo de concelleiros non adscritos, que parte deles estiveron no goberno anterior, e de Xaime Cancio, que tamén estivo no goberno anterior e foron os que fixeron o primeiro convenio con Sogama. As condicións son exactamente as mesmas, pero agora, como están na oposición, votan en contra”.
Javier Castiñeira rematou comentando que “este é o día a día da corporación de Foz, coas idas e vindas da oposición e os diferentes cambios de criterio que teñen de cando eran goberno a cando son oposición. Son posturas verdadeiramente incomprensibles, que a xente saberá valorar”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
