ALFOZ .- O Alcalde de Alfoz, Emilio Lousas, mantivo unha xuntanza co xerente do Consorcio Galego de Servizos de Igualdade e Benestar, Roberto Rodríguez, con quen tratou da teórica posta en marcha dunha escola infantil para o próximo curso. Lousas interesouse pola apertura da vivenda tutelada que, para a atención ás persoas maiores e dependentes, existe no concello. O xerente do Consorcio Galego de Servizos de Igualdade e Benestar indicoulle ao rexedor municipal que á posta en servizo será nos meses de novembro ou decembro.
NOTA DE PRENSA
Emilio Lousas foi recibido na mañá de hoxe por Roberto Rodríguez, xerente do Consorcio Galego de Servizos de Igualdade e Benestar
A XUNTA ESTUDA A CREACIÓN DUNHA ESCOLA INFANTIL A PETICIÓN DO ALCALDE DE ALFOZ
* A nova infraestrutura da que poderían beneficiarse nenas e nenos de ata 3 anos de idade, empregaría os locais das antigas escolas da localidade.
* Roberto Rodríguez tamén confirmou que entre os meses de novembro e decembro deste ano entrará en servizo a vivenda tutelada, para persoais maiores ou dependentes coa que conta a localidade
Alfoz, 08 de setembro de 2009.- As nenas e nenos de ata 3 anos que residen no termo municipal de Alfoz poderían beneficiarse no vindeiro curso dunha nova Escola Infantil cuxa creación está a estudarse por parte do novo goberno da Xunta de Galicia presidido por Alberto Núñez Feijóo. Na mañá de hoxe o Alcalde de Alfoz, Emilio Lousas mantivo unha xuntanza con Roberto Rodríguez, xerente do Consorcio Galego de Servizos de Igualdade e Benestar co obxecto de trasladarlle esta petición. O primeiro edil agradece a boa disposición do alto cargo autonómico que “comprometeuse a estudar a fórmula para levar adiante este novo servizo”. Emilio Lousas explicou que o Concello de Alfoz porá a disposición da administración autonómica as antigas escolas da localidade para que poidan ser empregados as súas instalacións como sede da nova Escola Infantil. Segundo explicou está previsto que a finais do presente mes ou, a máis tardar, no mes de outubro, sexa o propio xerente do Consorcio de Igualdade e Benestar quen visite en persoa as instalacións acompañado de técnicos da Consellería de Traballo e Benestar.
VIVENDA TUTELADA
Por outra banda tamén aproveitouse o encontro para abordar outras cuestións como é a apertura definitiva da vivenda tutelada que, para a atención ás persoas maiores e dependentes existe neste municipio. A Xunta dotou a Alfoz desta vivenda que dispón de 5 habitacións dobres, con capacidade para 10 inquilinos O responsable da administración autonómica confirmou ao rexedor municipal que será nos meses de novembro ou decembro cando se proceda á posta en servizo destas instalacións. Desde a Alcaldía quixeron agradecer unha vez máis a boa disposición dos novos responsables autonómicas ás demandas suscitadas e, insistiron en que grazas a estes novos servizos será posible incrementar a calidade de vida e o benestar dos veciños de Alfoz.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
