O pivote Sebastián Vargas Otero, Chano, cumprirá o seu segundo ano nas filas do CD Burela FS Pescados Rubén. O gaditano, que convértese na cuarta renovación do club laranxa, formalizou contrato para 2015-16 xunto ao presidente, Manuel Blanco, e o directivo Audítor Rodríguez nas instalacións da empresa patrocinadora Limpezas Lema en Lourenzá.
“O interese existía polas dúas partes e dende que se coñeceu a chegada de Daniel Ibañes o acordo acelerouse; todo foi moi doado” admitía Chano, satisfeito coa súa experiencia en Burela, a pesar das lesións, e con ganas de seguir mellorando para a próxima tempada. “Custoume entrar na primeira volta pero ao final acabei ben, respondendo nos partidos importantes. Para 2015-16 intentarei buscar a regularidade que me faltou esta tempada e mellorar en todos os sentidos, tanto en defensa coma en ataque, para poder ser esa referencia que precisa o equipo, coa baixa de Mata” explicaba o 11 laranxa.
“Espero que o próximo ano poidamos gozar tanto ou máis ca este. Foi unha gran tempada; disfrutamos moito da Copa e se chegamos a clasificarnos para play off, do que nos afastou un mal comezo da segunda volta, sería un éxito rotundo. Se nos respectan as lesións, algo que non pasou esta tempada, o demais dependerá de nos. Hai un bo bloque e un bo grupo de amigos que pelexará por cumprir o que se espera de nós” adiantaba Chano con ilusión.
Dende a directiva laranxa, Manuel Blanco congratulouse da continuidade de Chano como “unha garantía para o equipo tanto en defensa coma en ataque, que a pesar dos contratempos iniciais conseguiu amosar o seu mellor nivel na recta final, co que poderemos seguir contando”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
