Madrid, 18 de xuño de 2015.- A deputada socialista por Lugo Margarita Pérez Herraiz reclamou o Goberno -mediante unha pregunta oral ao Secretario de Estado de Telecomunicacións na Comisión de Industria do Congreso- “que adopte medidas concretas e acertadas para cumprir coa normativa europea pero non prexudicar a competitividade das industrias de España”.
Pérez Herraiz advertiu que “a falta de implicación do Ministerio está a poñer en risco a continuidade das poucas industrias” “en Galicia e Asturias”. Así, destacou que “territorios como Galicia teñen moi pouca actividade industrial, polo que o risco de que esta actividade diminúa prexudicaría moito o conxunto da economía e moi especialmente o emprego”.
Ao respecto, sostivo que “o custo da enerxía para industrias como Alcoa, Megasa e Ferroatlántica e a compensación do devandito custo a través de poxas anuais de interrumpibilidade está a poñer en grave risco a súa competitividade e a súa permanencia en Galicia”.
A deputada socialista asegurou que “o cambio da tarifa GR-4 pola poxa, para as industrias con consumo enerxético intensivo, non está a cumprir os seus obxectivos de axustarse á normativa europea e permitir ao tempo a competitividade da industria española”.
Sobre este punto, criticou que “o ministerio de Industria unicamente está a ter como obxectivo reducir os custos para Rede Eléctrica Española, pero é necesario tamén ter en conta a necesidade de que as industrias manteñan actividade en España”.
Deste modo, sinalou que “outros países europeos como Italia e Alemaña resolven os problemas que pode formular a normativa europea de xeito máis satisfactoria que o Goberno de España”. Ademais, incidiu en que “a UE permite unha intervención dos estados que España non está facendo” e ten recorddo que “o Parlamento Europeo en 2014 aprobou unha resolución co fin de garantir un marco estable para o investimento e o emprego a nivel interno nos países membros”.
“Ao non poder coñecer os custos de produción, as empresas están a facer o mantemento mínimo e non planifican investimentos de futuro” -afirmou.
Por iso, Pérez Herraiz indicoulle ao Secretario de Estado que “mesmo sen modificar a Orde Ministerial que regula a poxa se poden facer as cousas mellor”. Como exemplo, formulou “que a poxa sexa antes de outubro cando se pechan os contratos, que se subhasten máis bloques, que a duración sexa superior a un ano, que se estableza un bloque intermedio entre 90 e 5 MW, e que se dediquen a este concepto 600 millóns porque se empezou con 750 e o ano pasado foron só 500”
“Poderíanse anticipar as poxas de modo que este mesmo ano, en diferentes momentos, houbese a poxa para 2016, 2017 e 2018, e o Goberno podería mediar para que houbese acordos bilaterais entre as industrias consumidoras e as subministradoras para dar estabilidade” aos custos de enerxía” “por prazos superiores a un ano” -reclamou.
Ao finalizar o debate, reprobou que “o PP esqueceu que o Comité de empresa de Alcoa San Ciprián e o Conselleiro responsable deste tema na Xunta de Galicia acordaron o pasado ano valorar como funcionou o sistema de poxa e buscar un marco estable para a fixación do custo da enerxía para as empresas de forma que non sexa un lastre para elas”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
