Lourenzá, 18 de setembro de 2015.- A corporación municipal de Lourenzá aprobou un regulamento de participación cidadá na sesión ordinaria celebrada este xoves. Isto permitirá que os veciños teñan voz nos plenos, segundo destacou a alcaldesa, Rocío López.
A rexedora explicou que “o máis importante deste regulamento é a creación de comisións veciñais en todas as parroquias e normas de funcionamento das asembleas veciñais. Tamén recolle a creación dun rexistro municipal de asociacións e as liñas básicas da información municipal”.
Para a alcaldesa “é un feito histórico, xa que por primeira vez neste municipio os veciños poderán participar nas sesións plenarias. Este regulamento supón o inicio da participación activa dos cidadáns de Lourenzá nos asuntos do municipio. O equipo de goberno está cumprindo así cunha das súas promesas electorais, que era escoitar e dotar de voz e participación aos veciños. Deste xeito os cidadáns de Lourenzá poderán participar de maneira activa nas sesións plenarias e aportar as súas ideas e proxeccións acerca dos temas que vaian incluídos na orde do día do pleno”.
Rocío López engadiu: “unha das primeiras medidas que levei a cabo como alcaldesa foi a modificación do horario das sesións plenarias para as 20:30 horas e estou contenta porque esa decisión está dando os seus froitos, xa que cada vez son máis os veciños e veciñas que asisten aos plenos. Estou convencida de que, do mesmo xeito, a aprobación deste regulamento de participación cidadá será un referente histórico para Lourenzá e seguramente un exemplo a seguir por outros moitos concellos da Mariña”.
Ademais a rexedora municipal laurentina recordou que prometeu aos seus veciños transparencia, compromiso e participación e dende que entrou como alcaldesa así o esta levando a cabo: “dixen aos meus veciños e veciñas que sería a alcaldesa de todos, que escoitaría as súas propostas e que os dotaría de participación e hoxe síntome orgullosa de que este regulamento saíse aprobado”.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
