Nota de Prensa
PARALIZACIÓN POLIGONO INDUSTRIAL
* O Polígono industrial é unha necesidade urxente do Valadouro e Alfoz, na que as consellarías do BNG estiveron traballando os 4 anos pasados e non vamos a consentir que se pare.
* O intento de paralización do Polígono por parte de PP de Alfoz non obedece aos intereses dos veciños de Alfoz senón a que Feijoo non quere facer esta obra, e necesitan inventar unha desculpa.
* O mesmo proxecto ao que agora presenta alegacións o PP de Alfoz, xa fora presentado en Maio do 2008, sen que o PP de Alfoz fixera ningunha alegación. Se no 2008 o señor Alcalde de Alfoz considerou que o proxecto do Polígono estaba ben, por que agora quere que se tire con todo e volver a empezar?.
* As alegacións do concello de Alfoz están fundamentadas en que ao non ter normas urbanísticas en Alfoz saen prexudicados. Por que, se ese é o problema real, en vez de paralizar o Polígono non se dedican a facer as normas urbanísticas?.
* Tirar con todo o feito e volver a empezar, como pide o concello de Alfoz, suporía como mínimo un retraso de mais de 4 anos.
Para o BNG de Alfoz e o Valadouro o polígono industrial é unha necesidade urxente do Val, sen a cal dificilmente teremos futuro, e estaremos condenados a ver como a nosa xuventude emigra. Logo de anos de goberno do PP na Xunta de Galiza, nos que nada se fixo por dotar de solo industrial ao Valadouro, condenándonos ao atraso económico, a chegada dos nacionalistas Teresa Táboas e Fernando Blanco ás consellarías de Vivenda e Solo e Industria fixo que se lanzara o proxecto do Polígono Industrial para Alfoz e O Valadouro. Sen dubida esta foi a actuación máis importante que fixo o BNG dende a Xunta para O Valadouro e da que máis orgullosos estamos. Desgraciadamente o cambio na Xunta, coa volta do PP, parece que vai traer consigo a paralización do polígono industrial, baixo a desculpa dunha “protesta” por parte do concello de Alfoz. Se lamentable é que se paralice un proxecto tan importante para O Valadouro, máis triste é que esta paralización se leve a cabo coa colaboración dos alcaldes de Alfoz e O Valadouro, que no canto de defender os seus veciños se dedican a seguir as ordes de Feijoo.
Gustaríanos facer unha cronoloxía da tramitación do Polígono:
* 4-Agosto-2005 Teresa Táboas toma posesión da Consellaría de Vivenda e Solo. Fernando Blanco é nomeado conselleiro de Industria.
* Elaboración dun plan viabilidade e situación do Polígono industrial do Valadouro e Alfoz pola Consellaría de Vivenda.
* Elaboración dun estudo arqueolóxico por Vivenda.
* 05/04/2006 .- Presentase o estudio arqueolóxico do Polígono industrial, o que obriga a modificar o plan de viabilidade e situación do Polígono por encontrarse túmulos. Nese plan xa se fala dunha execución por fases.
* 20-Outubro-2006 .- Teresa Táboas, nunha reunión con alcaldes, grupos políticos e empresarios, presenta o plan de viabilidade e situación do Polígono industrial e o compromiso da Consellaría na súa construción. Cómpre dicir que esa presentación tivo lugar na Finca Galea, no Concello de Alfoz.
* 14-Abril-2007 A CONSELLARÍA DE VIVENDA E SOLO CONVOCA UN CONCURSO DE IDEAS PARA O DESEÑO DO PARQUE EMPRESARIAL DE VALADOURO-ALFOZ POR IMPORTE DE 98.412 €.O gañador farase cargo da redacción do Plan de Sectorización e do Proxecto de Urbanización da 1ª fase deste parque, con 118.000 metros cadrados, así como a Dirección Facultativa e Coordinación de Seguridade e Saúde. O Concello de Alfoz non di nada, polo que debemos pensar que estaba de acordo.
* 20-Xuño-2007.A CONSELLARÍA DE VIVENDA E SOLO ADXUDICA A REDACCIÓN DO PLAN DE SECTORIZACIÓN E PROXECTO DE URBANIZACIÓN DA 1ª FASE DO PARQUE EMPRESARIAL DE VALADOURO-ALFOZ POR 98.412 €. O PP de Alfoz non di nada, polo que debemos pensar que estaba de acordo.
* 11 Marzo 2008.- A CONSELLARÍA DE VIVENDA E SOLO ENVÍA AO CONCELLO DO VALADOURO O PLAN DE SECTORIZACIÓN DA 1ª FASEDO PARQUE EMPRESARIAL DE VALADOURO-ALFOZ
* O concello de o Valadouro aproba o Plan de Sectorización e proxecto de servizos exteriores do parque empresarial Valadouro-Alfoz (fase 1).
* 2 de maio de 2008 Publicase no DOG do ( http://www.xunta.es/Dog/Dog2008.nsf/FichaContenido/1D682?OpenDocument). O Concello de Alfoz non di nada, polo que debemos pensar que estaba de acordo.
* A Consellaría de Medio Ambiente alega que se debe presentar un “informe de sustentabilidade ambiental “.
* A Consellaría de Vivenda e Solo elabora un informe de sustentabilidade ambiental.
* O 27 de marzo de 2009, o concello volve aprobar o Plan de sectorización e proxecto de servizos exteriores do parque empresarial Valadouro-Alfoz (fase 1)., engadíndolle informe de sustentabilidade ambiental.
* 20 Abril 2009.- Feijoo toma posesión da Presidencia da Xunta.
* O 4 de maio do 2009 publícase no DOG (http://www.xunta.es/Dog/Dog2009.nsf/FichaContenido/1CC6A?OpenDocument) a aprobación por parte do concello do Valadouro.
* O 30 de maio do 2009 a Xunta de Goberno do concello de Alfoz solicita a paralización do Polígono e que se volva empezar de cero.
Se o plan de sectorización presentado en 2008 é o mesmo que o presentado no 2009, por que o PP de Alfoz non presenta alegacións no 2008 e si o fai no 2009? Se o PP de Alfoz quería un polígono supramunicipal como di nas alegacións, por que non o dixo antes, e esperou a que pasaran catro anos e se gastaran cartos en proxectos? ¿Por que, en resumo, o que ao alcalde de Alfoz lle valía no 2006, 2007 e 2008 non lle vale no 2009? O que cambiou entre o 2008 e o 2009 non é o proxecto de polígono, que segue sendo o mesmo (é que o mesmo que no 2006), o que cambiou é quen goberna na Xunta. Como o señor Feijoo non quere facer o polígono no Valadouro, invéntanse unha desculpa.
Se estudamos as alegacións coas que o PP de Alfoz pretende paralizar o polígono de Alfoz-Valadouro vemos que se basean en:
* Que un plan de sectorización como o que se aproba no concello do Valadouro non podía ser aprobado no concello de Alfoz por carecer de normas urbanísticas.
* Que dado que en Alfoz non existen normas urbanísticas, a edificabilidade, cargas, etc… seria distinta que no Valadouro.
Como se ve para os problemas que presenta o concello de Alfoz existen dúas solucións: paralizar o polígono industrial ou que o concello de Alfoz elabore unhas normas urbanísticas. Realmente non é mellor para os veciños de Alfoz que o señor alcalde se dedique a elaborar unhas normas urbanísticas que non a paralizar o polígono?
Como se ve as alegacións son tan ridículas que a única explicación é que a Xunta non quere facer o Polígono e o PP de Alfoz estalles dando unha coartada. Dende o BNG de Alfoz e o Valadouro animamos a todos os veciños a pelexar para que a Xunta cambie de postura e siga co proxecto de Polígono que lanzou o BNG cando estaba no goberno da Xunta. En que este proxecto se execute vainos o futuro dos dous concellos.
As actividades desenvólvense durante esta fin de semana na capela e a área recreativa do alto da Grela, que acollen os actos litúrxicos e a romaría respectivamente, con animación musical, verbena e un espectáculo infantil entre outras propostas.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
