O servizo de Salvamento en Praias do concello de Cervo, dá por finalizada o seu activade nos areais do municipio e fai unha valoración positiva da campaña, nun ano que foi especialmente complicado para os servizos de salvamento de toda España, cun aumento significativo de afogados, tanto en augas abertas (mar, rías..) como en augas pechadas (piscinas, encoros, balsas..).
O numero de intervencións, todas de carácter menor, ascendeu 58 intervencións das cales 19 na praia de Cubelas (1 traslado en ambulancia por dor torácica, 12 intervencións en curas de feridas varias, 6 picaduras de oriego ) e 39 na Praia do Torno ( 2 traslados en ambulancia, por corte profundo en man e por desmaio, 27 intervencións en curas de feridas varias, 3 intervencións por queimaduras, 1 rescate acuático dun menor) , nos meses de xullo, agosto e setembro, cun resultado satisfactorio e sen que houbese que lamentar accidentes maiores. O numero de TSA (Técnicos en Salvamento Acuático) que prestaron servizo nas praias de Ou, torno e Cubelas, foi de 9 apoiados por persoal técnico de grumir. Como novidade, este ano as dúas praias contaron coa presenza do DESA, un dispositivo que pretende implantarse en todos os lugares públicos onde haxa presenza multitudinaria de persoas, e o seu uso está indicado para paradas cardio-respiratorias, minimizando o tempo de resposta nestas actuacións.
En xeral, o comportamento dos usuarios das dúas praias foi exemplar. Obedecendo as indicacións dos socorristas e facendo un uso adecuado da mesmas, ese bo comportamento, viuse reflectido tamén nos usuarios das embarcacións a motor, motos de auga e os practicantes de deportes acuáticos, que respectaron as normas e as distancias de seguridade establecidas e sinalizadas, cabe destacar a moi boa acollida que tiveron os cinceiros ecolóxicos que se ofreceron durante o verán, proba de que a sensibilidade por manter os espazos comúns en bo estado, está calando sobre os usuarios.
Aínda que as condicións meteorolóxicas, non foron especialmente favorables, a ocupación das praias en fin de semana mantivo a tónica dos últimos anos, notándose menos usuarios durante a semana.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
