A Mariña, 21 de outubro de 2015.- O BNG a través do parlamentario nacionalista Cosme Pombo volveu levar ao Parlamento Galego a problemática da antiga ECESA de Burela, actual MIDUESA, para pedir a implicación do goberno galego de cara a impulsar a actividade mineira e por tanto a volta do cadro de persoal ao traballo. Os nacionalistas xa presentaron unha batería de preguntas en abril deste ano que logrou o compromiso do Director Xeral de Industria para axilizar unha actividade industrial na que a empresa MIDUESA, empresa seleccionada pola administración concursal para recuperar actividade, ten interese e a intención de investir 10 millóns de euros e recuperar o cadro de persoal.
Cosme Pombo volveu levar á Comisión de Industria a parálise da actividade industrial na explotación mineira pendente da resolución de problemas derivados dun proceso concursal e xudicial que atranca a resolución da administración concursal que concedeu á empresa MIDUESA a xestión desta explotación comprometéndose a un investimento de 10 millóns de euros e a recuperación do cadro de persoal mediante unha bolsa de emprego.
Cinco meses despois de presentar unha batería de preguntas sobre este problema e lograr o compromiso do Director Xeral de Industria para “facer o necesario de cara a recuperar a actividade, os atrancos e demora provocados polos procesos xudiciais abertos, non permiten o reinicio da actividade”. O parlamentario nacionalista demandou, nesta ocasión mediante unha Proposición Non de Lei, a implicación do goberno galego para “tomar as iniciativas precisas de cara a manter os postos de traballo e recuperar a actividade mineira”.
Cosme Pombo lembrou a calidade do caolín da Mariña explotado historicamente por ECESA e a viabilidade da explotación, moito mais cando agora existe un gran grupo mineiro disposto a investir na comarca e recuperar a actividade industrial e os postos de traballo. “O nacionalista agradeceu o apoio a esta e iniciativa por parte de tódolos grupos, mais aclarou que este acordo obriga ao goberno galego a moverse e non agardar que as cousas se resolvan soas, son moitas as familias na Mariña que agardan a necesaria e urxente recuperación da actividade laboral e empresarial”.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
