Lugo 28 de outubro de 2015.- A voceira do Grupo Provincial do Partido Popular, Elena Candia, considera que o acordo para o goberno de coalición entre o PSOE e o BNG na Deputación de Lugo “non é máis que papel mollado” e asegura que “non só chega tarde senón que, con independencia do seu contido, ninguén confía no seu cumprimento”.
“Dinnos que o acordo se rubricou o 25 de setembro e preséntano máis dun mes despois, pero seguen sen aclaran os motivos que fan que o BNG modifique o seu código ético e siga aceptando a uns imputados no Goberno e rexeite a presenza doutros”, replica a voceira.
Elena Candia sostén que ningún dos dous grupos políticos, nin PSOE nin BNG, teñen credibilidade algunha, sobre todo cando inclúen no citado acordo “moitos dos obxectivos dos que xa falaban en anteriores mandatos e aos que aínda hoxe non lles deron cumprimento. Por que temos que crer que van facer algo do que din cando o que explican pola mañá o corrixen pola tarde?”.
Os populares esgrimen que socialistas e nacionalistas están “completamente desautorizados para falar de obxectivos e do seu cumprimento á vista do espectáculo que teñen dado nestes meses e do resultados dos seus anteriores mandatos”.
Os populares rexeitan ademais que ambos os partidos continúen sen aclarar cal vai ser o papel de Manuel Martínez na Deputación de Lugo, cales son as prebendas que acordaron -e que non figuran no pacto feito público hoxe- para que mudara a súa opinión, así como os pactos ocultos de cafeterías e restaurantes que fan que o BNG decida os imputados que poden formar parte do Goberno e os que non.
Darío Campos, un monicreque en mans do BNG
Á vista do que está pasando na Deputación Elena Candia pregúntase cal é a función do novo presidente, Darío Campos, que hoxe non deu a cara, senón que foi Álvaro Santos o que compareceu xunto con Xosé Ferreiro, cando ningún dos dous asinan o acordo. “Gustaríanos saber quen é o que realmente manda agora na institución e se Darío Campos soamente vai ser un monicreque ao servizo do BNG e dos seus intereses”, engade.
“Dálles tanta vergoña dar a cara ante os cidadáns cun pacto de perdedores baixo o brazo que nin foron capaces de explicalo eles mesmos, que son os que o asinan”, conclúe Candia.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
