Participación alta no campionato de bolos en Xove, especialmente na liga feminina

XOVE .- Excelente particpación, especialmente no apartado feminino, na liga de bolos de Xove con 23 participantes no apartado Senior, 6 en Sub18 e 9 na Feminina. A derradeira tirada celebrouse no campo de fútbol de Xove, donde Marta Álvarez recuperou o liderato na clasificación da Liga Fiminina; na liga Senior consolidase Ginés Rodrígueze e na Sub18 parce estancarse José Vigo.

NOTA DE PRENSA.-

XXIª TIRADA DE BOLOS

Xª SUB 18  (TEMPORADA  2009/2010)

Organiza:    Concellería de Cultura do Concello de Xove

Colaboran: IES Illa de Sarón de Xove

Autoescuela Mundial Xove

INCIDENCIAS DA 4  TIRADA

(CAMPO MUNICIPAL DE FÚTBOL DE XOVE, sábado, 31 de outubro 2009)

-Tarde agradable, campo en bastantes boas condicións, pero un pouco pesado.

-38 inscritos: 23 na Liga Senior,    6 na Sub 18 e 9 na Liga Feminina. Continuamos, polo tanto, cunha excelente particpación, especialmente no apartado feminino, o cal nos satisface dado que nos gustaría moito que a categoría feminina se consolidara.

Liga Senior.-  Parece que o liderato lle senta ben a Ginés Rodríguez, dado que obtivo a súa segunda victoria, máis a bolada, o que lle permite encabezar moi comodamente con 44 puntos, 13 máis co segundo clasificado;  sendo un dos grandes favoritos, Ginés polo momento está demostrando que se está adaptando mellor que os seus compañeiros á desaparición da Línea do 20. Cada vez estamos máis convencidos que a eliminación da Línea do 20 está favorecendo o torneo, porque vemos que está propiciando unha maior igualdade, e xogadores que en principio non tiñan posibilidade de puntuar, neste intre o están facendo con regularidade. Para nós, como organizadores, a competitividade do torneo é fundamental, dado que isto garantízanos unha maior presencia de xogadores no campionato.

Segundo na táboa temos a César Cancelos con 31 puntos, xogador que, a priori, non estaba dentro dos favoritos, pero que dende hai un par de anos mantén unha progresión constante e unha gran ambición dentro do seu xogo. A mala tirada realizada por Moisés Rodríguez costoulle o segundo posto, e agora comparte o terceiro con outro dos clásicos, José Rafael González, ambos con 26 puntos. José Manuel Cociña, outro dos xogadores que en principio poden contar para a clasificación final, vai quinto con 22 puntos.  En total xa conseguiron puntuar 17 xogadores diferentes.

Liga Sub 18.- A mala tirada realizada por José Vigo, fai que os seu perseguidores se acheguen e xa non disponía dunha renda tan cómoda. De todas formas, sigue liderando a clasificación con 19 puntos, seguido de Óscar Pérez con 13 e Cristian Rodríguez con 12; cuarto temos ao vixente campión Andrés Rodríguez con 11 e quinto Alex Meitín con 10. En conclusión, todos nun pano, cunha previsión de que imos ter o campionato máis aberto dos últimos anos, sen un claro favorito neste intre, e calquer dos cinco citados pode este ano facerse co trunfo final.

Liga Feminina.- O segundo posto na tirada permítelle a Marta Álvarez recuperalo liderato, encabezando con 14 puntos, seguida de Salomé Bermúdez con 12 puntos, quen non consigueu puntuar nesta tirada, e Dolores Baño, tamén con 12 puntos. É de resaltar aquí a excelente tirada realizada por Dolores Baño, que logrou alcanzar por primeira vez os 100 tantos entre as tiradoras. Como comparación, decir que dos 23 inscritos na categoría senior, 8 xogadores non chegaron aos 100 tantos, dahí que poidamos calificar os 100 tantos de Dolores como un score excelente. Nesta Liga temos tamén un grupo de xogadoras moi igualadas, e polo momento non podemos destacar a ningunha en especial.

A Vindeira tirada vai ter lugar no CENTRO SOCIAL DE O CRUCEIRO-XUANCES O VINDEIRO SÁBADO, 7 DE NOVEMBRO DE 2009.