CON PÓLVORA E MAGNOLIAS. A pasada semana deixou aos veciños da vila de Burela coa sensación de desconcerto, aquela percepción propia do que experimenta emocións contraditorias ou disociacións; xornadas marcadas pola sobreexcitación festiva e as novidades –xente nova, roupa nova, incluso una noria de épicas dimensións…- e pola resaca –un ten a idea de telo pasado moi ben de xeito simultáneo co tedio da volta á rutina, á vida cotián-.
De tódolos encontros-desencotros que tiveron lugar estes días gustaríame focalizar a atención no finamento da Banda de Música de Burela deixando tras de si 26 anos de actividade. A consecuencia inmediata deste fito é a disparidade das versións arguidas, por unha parte, polos integrantes da Asociación de Amigos da Banda e, por outra, polas autoridades municipais.
Chegados a este punto puidera pensar o lector que a síntese lóxica do exposto é que me manifeste con respecto a tales extremos, nada máis lonxe da realidade; descoñecendo as circunstancias concretas prefiro enarborar a bandeira da prudencia antes de emitir opinión.
Gustaría de enfocar a cuestión desde outra perspectiva: como sempre hai que mirar para outros lados –non imos estar facendo constantemente experimentos con gaseosa- quería resaltar que na veciña Suíza vense de culminar un proceso de dez anos que incorpora á súa Carta Magna o dereito á educación musical gratuíta dentro do sistema educativo obrigatorio. A iniciativa partiu no ano 2006 dun grupo de asociacións e escolas de música ás que se sumou o Consello Musical de Suíza e culminou materializando con un respaldo do 72,7 por cento dos votos a favor nos vinteseis cantóns do país helvético.
Seguramente alguén entenderá que con isto estou sinalando a maior eficiencia das autoridades do país centroeuropeo, mais non é así. A circunstancia realmente salientable estriba no respaldo popular e na conciencia colectiva.
En idéntico senso a nosa constitución tamén recoñece no seu artigo 44 o dereito á cultura e a obriga dos poderes públicos de promovela e tutelala, pero é que as leis sen conciencia e compromiso non serven de nada, son papel mollado.
O paradigma do modelo suízo radica, ao meu entender, en que unha porcentaxe maioritaria da súa poboación entende que a educación musical é de interese xeral e iso plásmase nas súas leis. Trasladado ao noso ámbito local na nosa man está respaldar a banda de música, as escolas de teatros, as asociacións culturais, a radio local, os festivais de música local ou as actividades deportivas… ou decantarse polo inamobilismo, polas festas etílicas electro-latinas e pola enésima reinterpretación verbeneira da Gozadera.
Finalmente lembrar que o pasado día 6 de marzo o vibrafonista burelao Israel Arranz interpretaba en Standor Wuppertal (Alemania), no Festival Europeo de Vibráfono, o pasodobre Burela; él mismo afirmaba, en relación coa fin da banda, “se considerades que a cultura e a educación son caras, probemos coa ignorancia…”
Que nunca deixe de sonar unha canción ou nos quedemos sen versos.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
