Lugo, 24 de novembro de 2016.- O Grupo Provincial do Partido Popular consegue que se celebre o pleno extraordinario que veñen solicitando desde a anterior sesión de outubro no que se recolle a moción sobre as residencias que o Goberno provincial decidira pasar a rogo, así como o resto dos puntos da orde do día daquela convocatoria.
No Pleno do mes de outubro o PP decidiu absterse do debate e votar en contra das iniciativas que formaban parte da orde do día do Pleno en sinal de protesta por non poder someter a aprobación a iniciativa na que pedían que Suplusa asumira a encomenda de xestión para a construción das residencias de Becerreá, Portomarín e Folgoso do Caurel. Amais de votar en contra das mocións do resto dos grupos, o PP pediu a retirada das mocións presentadas polo seu propio grupo.
Agora, despois dunha decisión do presidente que os populares consideraron “un feito sen precedentes na institución”, Darío Campos rectifica e, en base as peticións do PP, convoca para o vindeiro martes un pleno extraordinario no que volverán a debaterse todos os puntos da orde do día do pleno de outubro, incluída a moción do PP sobre as residencias.
A voceira dos populares, Elena Candia, asegura que o presidente vén de desenmascarar a súa intención que era a de negarse a debater a moción na que se pedía que Suplusa asumira a encomenda de xestión para a construción das residencias de Becerreá, Portomarín e Folgoso do Caurel. “A mentira ten as patas moi curtas e aquí fixo falla menos dun mes para coñecer o que realmente pretendía Campos”, explica.
“Agora terá que explicarlle a todos os veciños e veciñas, sobre todo aos dos concellos afectados, os verdadeiros motivos polos que non quixo avanzar na posta en marcha desas residencias”, engade a popular.
Candia afirma que con esta actuación “Campos ademais de acertar cando rectifica, rozou a prevaricación administrativa cunha decisión absolutamente ditatorial”.
Os populares recordan que renunciarán, tal e como xa avanzaron no seu día, ao cobro das correspondentes dietas e agradecen a oportunidade de poder debater unha moción “que fora presentada en tempo e forma”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
