Ribadeo, 6 de marzo de 2017. Aseduc comeza este mércores, 8 de marzo, os seus obradoiros sobre educación sexual e prevención de VIH no IES de Ribadeo Dionisio Gamallo, despois de telos rematada no CIFP Porta da Auga.
A responsable do Programa de Prevención de Drogodependencias e outros Trastornos Aditivos do Concello ribadense, Mónica Fernández Lamparte, explica que “este mércores, 8 de marzo, Aseduc (Asociación Socioeducativa para la Educación), cos que temos un convenio de colaboración, comezan os seus obradoiros sobre educación sexual e de prevención de VIH no IES de Ribadeo Dionisio Gamallo, tras ter rematado no CIFP Porta da Auga”.
Fernández Lamparte conta que “no CIFP Porta da Auga traballaron con 17 alumnos e alumnas de Educación Profesional Básica e no IES de Ribadeo Dionisio Gamallo Fierros traballarán con 78 alumnos e alumnas de 3º de ESO. Trátase de catro sesións en cada centro”.
E engade: “agradecemos a colaboración das titoras e titores e dos departamentos de orientación polo seu esforzo, así como a Aseduc os seus desprazamentos desde Oleiros (A Coruña) e o seu bo facer”.
O 112 Galicia recibiu ás 14:30 horas unha alerta por un accidente no lugar da Madanela, en Vilalba. Tratábase dun coche que se saíu da vía e envorcou sobre o lateral da porta da condutora, por iso, non podía saír. Ademais, o coche corría o risco de caer, polo que os Bombeiros de Vilalba tiveron que asegurar o vehículo e extraer a ferida polo maleteiro. Unha vez fóra, foi atendida polo equipo de Urxencias Sanitarias de Galicia-061, sen embargo, rexeitou ser trasladada porque tiña unha persoa ao seu coidado.
Nesta reunión, que tivo lugar esta tarde en San Caetano, a conselleira e o rexedor abordaron actuacións en materia de infraestruturas, vivenda e urbanismo, de interese para este municipio lucense. O Goberno galego continúa prestando apoio aos concellos para impulsar actuacións que contribúan a mellorar a calidade de vida dos cidadáns e a reforzar a competitividade económica.
O acto celebrarase o 30 de maio ás 21,30 horas na Leira San Antonio de Mondoñedo co seguinte programa: A Directiva da Peña recibirá ao Representante do Real Madrid, Tomás Roncero (redactor xefe no Diario AS), socios e seguidores cantarán o himno do club. A cea será ás 22 horas. A animación musical será a cargo do Dúo Zafiro”. Neste acto poden participar os soci@s da Peña e seareirxs brancxs e terán que ingresar 35€ en ABANCA de Mondoñedo ata o 26 de maio.
Esta nova produción audiovisual foi rodada recentemente en Porto de Vega e os seus arredores, e supón unha nova aposta artística de alto nivel tras o éxito do seu anterior vídeo, Lucha de gigantes, que chegou a millóns de persoas en distintos países.
Catro delas coñecéronse hai dous anos no Camiño Portugués e decidiron volver contactar con ela para organizar esta nova experiencia, buscando algo diferente e menos concorrido que o popular Camiño Francés, neste caso no Camiño Norte.
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
A cita, que conta coa colaboración do Concello, será na Biblioteca Municipal El Viejo Pancho, este xoves 22 de maio ás 20,30h. Falarán: Dores Fernández Abel e Carlos Callón.
