Burela, 13 de abril de 2017. O alcalde, Alfredo Llano, invita aos veciñ@s e visitantes a participar estes días nos desfiles procesionais para consolidar a Semana Santa burelesa, á vez que agradece o traballo feito polos organizadores.
O rexedor salientou que “en Burela se está a celebrar este ano a Semana Santa dunha forma moi intensa, se organizou con moito tempo e se está preocupando a xente de que salgan os actos interesantes e atractivos”.
Alfredo Llano relatou que “hoxe temos, ás seis e media, a celebración da última Cena e o Lavatorio dos pés, e despois a procesión da Oración da Horta das Oliveiras ás nove da noite. Ten un percorrido pola rúa da Igrexa, do Correo, Eijo Garay, Pardo Bazán, Curros Enríquez, Rosalía de Castro e regreso”.
O alcalde subliñou que “este ano como novidade hai instalada unha carpa a carón mesmo da Igrexa, onde se poden apreciar todas as imaxes que van saír en procesión. Penso que é interesante ver todo isto porque é moi atractivo. A xente tanto de Burela como aqueles visitantes que estean estes días por aquí, desde o xoves ata a fin de semana, poden apreciar o que temos porque non é pouco. Está colocado ademais para que poida ser observado, apreciado e ao mesmo tempo valorado porque son unhas imaxes que foron facéndose pouco a pouco patrimonio da Semana Santa de Burela”.
Llano continúa explicou que “para o venres, ás seis e media, está prevista a celebración da Paixón do Señor na igrexa, e ás dez da noite hai outra das procesións interesantes de Burela que é a da Dolorosa “Os Caladiños”. Ten o percorrido pola rúa da Igrexa, Arcadio Pardiñas, Eijo Garay, Praza do Concello, Correo e regreso á Igrexa. Nesta procesión participa moita xente e é unhas das máis vistosas”.
O alcalde engadiu que “o sábado temos ás seis da tarde, a procesión da Virxe da Esperanza que sae da igrexa e percorre a rúa da Igrexa, Arcadio Pardiñas, Eijo Garay, Praza do Concello, Correo e á Igrexa outra vez. Todas as procesións teñen un percorrido suficiente para que o poida facer todo o mundo sen necesidade de grandes esforzos, polo tanto gustaríame que asistira moita xente de Burela a estas procesións. O sábado pola noite temos tamén unha vixilia pascual para a xente que queira participar”.
O rexedor burelés concluíu: “o domingo temos algo moi bonito e especial, vai ser ás once e cuarto da mañá, que e é a Procesión do Encontro onde está Xesús resucitado e a Virxe María e fan o encontro na rúa do Río. É moi espectacular, moi vistosa e moi participativa, hai moitísima xente alí ese día. Consideramos que é unha das boas procesións que temos aquí en Burela para pechar a Semana Santa deste ano”.
Alfredo Llano anima a participar na Semana Santa de Burela: “dicirlles a todos os veciños e veciñas de Burela que participen nestas procesións porque é bo que se vaia asentando a nosa Semana Santa e para iso hai que valorala e participando en todos aqueles actos que se poida. Son catro días, desde hoxe xoves ata o domingo, que espero que haxa moita xente por Burela que saia moi contenta, que aprecie o que hai, e que lle sirva de motivación para volver outro ano”.
O Alcalde invita a participar nas procesións da semana santa de Burela e agradece o traballo feito polos organizadores
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
