RIBADEO, 1 de xullo de 2017.- O PP de Ribadeo asegura que o alcalde “minte descaradamente” na xustificación da renuncia da brigada contra incendios, pois tal e como se especifica no convenio de adhesión entre a Xunta de Galicia e os Concellos, se estes cumpren as condicións fixadas no documento, o Goberno galego financia practicamente ao 100% este servizo tan esencial para a prevención dos lumes e a seguridade da cidadanía.
Neste senso, os populares amósanse “cando menos sorprendidos” ante o que consideran “un despropósito” por parte do rexedor, pois “custa crer xa non só que falte á verdade, que é certo, senón que incorre nunha contradicción constante”. O voceiro, Jesús López Penabab, refírese así “á diferente vara de medir” do responsable municipal, xa que, por unha banda, cuestiona o cofinanciamento do 20% que debe facer para a contratación dos socorristas e, pola outra, está renunciando a un servizo que, se cumpre, non lle supón un custo para as arcas municipais e, á súa vez, está destinado á preservación, mantemento e protección da masa forestal e, en consecuencia, á garantir o seguridade dos veciños.
“Estamos claramente sorprendidos”, apunta o popular. A este respecto, recoméndalle ao alcalde que “debe ter altura de miras e deixarse de falsas xustificacións coas que pretende confundir aos ribadenses”. “El sabe que está mentindo. Por iso, pedímoslle que se deixe de falsas verdades ou incluso de dobres varas de medir. Isto é faltarlles ao respecto aos ribadenses. É un insulto á súa intelixencia. A realidade é que renunciou á un servizo clave, a sabendas de que xa estamos no período de alto risco de incendios”, afirma.
O alcalde renuncia que se cree emprego en Ribadeo
A este respecto, os populares sinalan que a decisión do rexedor “é grave”, xa que tamén está renunciando ás contratacións que leva aparelladas a adhesión a este convenio. “Se nos guiamos polas mesmas palabras do alcalde no referente á contratación dos socorristas, que lles explique aos ribadenses, os motivos polos que renuncia a que a Xunta cree 6 novos postos de traballo durante tres meses, cando neste Concello hai máis de 500 persoas en paro”, conclúe.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
