LUGO .- O Deputado de Persoal, Recursos Humanos e Réxime Interior, Melchor Roel, deu conta este mércores das actuacións levadas a cabo pola área que dirixe durante 2009. Roel subliñou o feito de que este ano se implantasen e consolidasen os procesos de selección de persoal externos garantizando a transparencia e a obxectividade a través de tribunais independentes. “Na Deputación se estás preparado entras. Nós queremos aos mellores e non aos máis amigos”, salientou.
En 2009 realizáronse 92 procesos selectivos ou de provisión de postos de traballo, cubríronse 198 prazas, e participaron preto de 1.500 persoas en procesos nos que, segundo destacou o titular do departamento de Persoal, “exclusivamente se ten en conta o mérito e a capacidade que se demostra nos exames”.
O titular da Área de Persoal, Recursos Humanos e Réxime Interior puxo de relevo o esforzo que a Deputación está a facer pola funcionarización, e explicou que, segundo un informe do Consello de Contas sobre a xestión de persoal do organismo provincial, “esta era unha irregularidade constante na xestión do anterior equipo de Goberno ao permitir que persoal laboral desempeñase prazas para funcionarios. Agora, coa nova situación, os traballadores acceden á condición de funcionario e desenvolven a carreira profesional”.
Da mesma forma, o Deputado salientou que “o actual equipo de Goberno rematou co reparto discrecional do complemento da produtividade xa que antes, con mesmos cartos, cobraban este plus 220 persoas, e agora 678”. Ao mesmo tempo, indicou que por unanimidade se aprobou o pacto da retribución salarial acordado pola Xunta e o Estado.
Cooperación cos Concellos
O departamento de Persoal, Recursos Humanos e Réxime Interior colabora cos Concellos en materia de planificación e xestión de recursos humanos grazas a aprobación dun convenio polo Pleno da Deputación que xa asinaron 10 municipios: Barreiros, Burela, Folgoso do Courel, Guntín, Lourenzá, Monterroso, Portomarín, Sarria, Taboada e Viveiro. A través deste instrumento, a Deputación asume as Relacións de Postos de Traballo nestas entidades locais, o que supón un custe de 500.000 euros.
O Deputado salientou que, independentemente a esta sinatura, o organismo provincial colabora con máis de 20, entre os que se atopan algúns dos de máis poboación e meirande número de empregados públicos. “Isto constata que é un dos campos de actuación da Deputación máis atractivos e demandados polos Concellos, cos que tamén lles aforramos cartos ás entidades locais”, indicou.
Este departamento tamén se encarga da elaboración de Plans Integrais de Ordenación de Recursos Humanos para 7 Concellos: Alfoz, Barreiros, Castroverde, Sarria, Cervantes, Viveiro e Burela.
Balance cumprido
Melchor Roel fixo balance das políticas do seu departamento logo de asinar cos representantes sindicais, e os Presidentes da Xunta de Persoal, e do Comité de Empresa, a Mesa Xeral de Negociación. Durante o acto, ao que asistiron o Secretario Xeral de UXT, Eliseo Rivas, o Presidente de CSI-CSIF de Lugo, José Berciano, e o responsable de CC.OO para a Deputación, Antonio Fernández, os sindicatos destacaron o balance cumprido grazas ao diálogo entre todas as partes.
O Secretario Xeral de UXT lembrou que, xa no 2008, se realizou a valoración dos postos de traballo dos Hospitais San José e San Rafael, así como se negociou a transferencia de ambos os centros, e se asinou un convenio coa Xunta para elo. Neste senso, Eliseo Rivas instou ao Goberno de Núñez Feijóo a cumprir co acordado nas comisións técnicas mantidas cos traballadores, ao tempo que subliñou que “nós fixemos o noso traballo mentras que a Xunta o paralizou”.
Obxectivos para 2010
O titular do departamento de Persoal salientou que para 2010 un dos obxetivos da Deputación será mellorar o cumprimento da xornada laboral. Para elo, o organismo provincial ten contratado un sistema de control de presenza que se implantará no mes de marzo.
Ademais, tamén se levarán a cabo accións de mellora para a incorporación de persoal temporal que permitan cubrir as necesidades de efectivos con maior axilidade. Da mesma forma, o Deputado subliñou que, tendo en conta o ciclo económico, “levarase a cabo un control do gasto, para o que é necesario que os xefes das distintas áreas asuman a súas responsabilidades”.
Innova-TE
Melchor Roel destacou que o proxecto Innova-TE, é dicir, a chegada da e-administración a todos os Concellos da provincia na que está a traballar a Deputación, e na que se invisten 7 millóns de euros, suporá “a renovación e modernización da xestión de persoas no ámbito local”.
Neste senso, o Deputado explicou que a mediados do 2011 estará operativo o Sistema Integrado de Xestión de Persoal que permitirá facer a través da Internet a tramitación dos procesos selectivos, de contracións fixas e temporais, de nomeamentos, tomas de posesión e ceses, das autorizacións de compatibilidades, dos procedementos de provisión de postos de traballo e mobilidade interna, dos procesos de xubilación voluntaria, e a emisión de certificado
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
