Foz 1-8-17. O Mércores 2 de Agosto ás 20:30 h na Casa da Cultura “Poeta Manuel María” de Foz, celebrase a terceira das conferencias Xornadas de Historia Local, organizadas pola Asociación A Pomba do Arco, cunha palestra titulada “Mariñáns nas cortes do século XIX” que correrá a cargo do historiador Xosé Ramón Veiga Alonso.
O relatorio de Xosé Ramón Veiga Alonso ven a ser un percorrido pola historia social e política da Mariña no século XIX, con especial referencia a aqueles mariñaos que destacaron nas cortes e de xeito moi particular nas Cortes de Cádiz. Segundo Veiga Alonso “hai que destacar nas Cortes de Cádiz a participación dos dous deputados da provincia de Mondoñedo, isto é de Abadín Guerra e de Manuel Freire Castrillón, significándose este último por ser o grande voceiro das posicións absolutistas nos debates que deron orixe a elaboración da coñecida como Constitución de Cádiz. Unha vez renovadas ás Cortes de Cádiz por voltas de 1813, destaca tamén outro deputado pola provincia de Mondoñedo, Mariño de Illade, curiosamente o único entre os deputados do antigo Reino de Galiza que defendeu neste acaso as posicións dos liberais”.
Ao tempo Veiga referirase a “algunhas das personalidades mariñáns que destacaron naqueles primeiros momentos do parlamentarismo do século XIX como o primeiro Conde de Fontao, Xosé María Moscoso, ou o viveirense Nicomedes Pastor Díaz, un dos poucos deputados de orixe popular e recoñecido intelectual que nos deixou unha importante obra ensaística e literaria, sendo un dos iniciadores da escrita en galego. Veiga continúa afirmando que “temos que por en valor a figura do deputado por Ribadeo e Mondoñedo Mariano Cancio Villamil, nado en Oviedo pero vencellado á Mariña, intendente xeral da Illa de Cuba, autor dos máis importantes traballos de investigación sobre a Illa no século XIX e destacado facendista”. A palestra de Veiga Alonso xirará arredor do século XIX período sobre o que historiador focego e profesor da USC é un dos máis destacados coñecedores en Galiza, como indican algunhas das súas publicacións, destacando a súa tese de doutoramento “O conde de Pallares e o seu tempo, 1828 – 1908. Política, ferrocarrís e agrarismo en Galiza”.
As xornadas fecharanse finalmente o xoves 3 de agosto ás 20:30 cun palestra de André Pena Graña no salón de actos da Casa da Cultura “Poeta Manuel María” de Foz. Pena Graña arqueólogo e historiador é un dos investigadores máis recoñecidos e tamén máis polémicos sobre a Idade Antiga e Alta Idade Media Galega, períodos aos que ten dedicado numerosas publicacións e sobre os que ten disertado tanto en Galiza como en Europa. O relatorio de Pena Graña xirará arredor das poboacións de orixe británica que se asentaron no norte galego entre o século V e VI, cuxa figura máis coñecida foi o Bispo Mailoc, fundando diversas comunidades e mosteiros, entre os que destacaba o “Mosteiro Maximun” que a grande maioría da historiografía galega sitúa no actual san Martiño de Mondoñedo, até o punto de que a actual basílica se construíu sobre ese templo anterior.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
