Cervo 15-8-17. Este sábado puidemos gozar dunha nova Maruxaina acompañados polo bon tempo, seguramente a mellor Maruxaina dos últimos anos, tamén a que mais medios tiña para a sua xestión.
Cabe destacar que se sentiron notablemente as novas medidas adoptadas pola comisión, coma son a colocación dunha segunda ambulancia na zona do faro, o control do tráfico por unha empresa privada, a contratación dunha empresa de limpeza, a discreta presenza de patrullas dá policía autonómica e dá garda civil e os adornos estrenados nas rúas e farolas.
É importante destacar o bo comportamento do público asistente durante o día, o cal contribueu a un magnífico ambente de festa e cordialidade polas rúas e pola Praia do Torno dignos dá honra a Maruxaina.
Lamentablemente a partir das 20:00 as cabinas sanitarias habilitadas polo Concello para que as xentes poideran facer as suas necesidades mostráronse claramente insuficientes polo que o público asistente optou por ouriñar nas rúas, paredes e portais das casas. Sabendo que a asistencia a Maruxaina do ano anterior estivo entre 12.000 e 13.000 persoas, o número de cabinas sanitarias necesarias en base a norma española UNE-UN 16194 deberían de haber sido como mínimo de 188 cabinas, número moi superior as menos de 30 cabinas contratadas polo Concello. Botáronse tamén de menos cabinas habilitadas para xente con discapacidade. Por si isto fose pouco, a limpeza de ditas cabinas non se efectuaba polo que debido a pouca pericia dos usuarios e ao rebosamento dos depósitos, facían difícil e pouco recomendable o seu uso. Entendemos que este tema e urxente xa que é a principal razón pola que moita xente residente en San Ciprian vaise do pueblo ese día.
Por outra parte consideramos importante que durante a celebración dá Maruxaina, declarada Festa de Interese Turístico, a música imperante durante o día e ata que a sirea resulte xulgada debería ser a tradicional de dita festa, tanto nas rúas e na Praia do Torno onde se xuntan a xantar as familias e amigos, e onde gustan dos xogos e da sobremesa.
Solicitamos tamén para futuras edicións a colocación da amplificación da señal de telefonía movil, a presenza dun médico, a iluminación da praia do Torno pola noite e a existencia dalgún vixiante pola praia para solicitar a xente que tire o lixo nos lugares axeitados.
Destacamos finalmente o bo traballo realizado pola empresa de limpeza xa que as 2:30 dá tarde do domingo a limpeza do pobo e das praias era mais que aceptable e o cheiro era moito menor que en celebracións anteriores.
Jose Luis Moñita Martin
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
