Alfoz 29-8-17. No verao de 1997 un grupo de veciños de Alfoz, acompañados por deportivistas doutras localidades próximas, creaban a Peña Deportivista “Pardo de Cela” no local que continúa hoxe a ser a súa sede, o Bar San Pedro, na parroquia de Mor, no Alfoz.
Viaxes a Riazor e celebracións dos triunfos do Deportivo da Coruña na sede da peña constituíron as actividades fundamentais durante estes vinte anos.
Malia que a peña naceu no ´97, a inauguración oficial tivo lugar en xuño de 1998, cando Augusto César Lendoiro, daquela presidente do clube, se desprazou até o Alfoz para participar na celebración.
Nos eventos programados pola Peña “Pardo de Cela” foi frecuente a presenza de xogadores ou membros da directiva do club; de tal xeito, o mítico Fran estivo no Bar San Pedro gozando dunha cea cos peñistas do Alfoz e en múltiples ocasións visitaron a localidade Barros Botana (delegado de campo) e Quique Calvete (membro do Consello de Administración), do mesmo xeito, a Federación de Peñas do Deportivo adoita fretar un bus desde A Coruña para que os membros doutros colectivos deportivistas participen nas celebracións dos seguidores alfoceses. De tal xeito, este domingo, membros de numerosas peñas doutras localidades chegarán ao Alfoz para conmemorar o vixésimo aniversario da peña local.
Nesta ocasión, co gallo dos vinte anos de traxectoria, a peña dará a coñecer a súa bufanda oficial; peza na que os deportivistas alfoceses quixeron fusionar os tres símbolos máis amados por eles: a bandeira da Galiza, o castelo do Alfoz e o escudo do Deportivo da Coruña.
Desde a súa fundación, a Peña “Pardo de Cela” é presidida por Enrique Lorenzo Villar, coñecido por todos polo alcume de “Muro”.
PROGRAMA DE ACTOS DO DOMINGO 3 DE SETEMBRO EN CORRELOS (MOR, ALFOZ):
13:15 h.: Discurso do presidente da peña anfitrioa e recibimento dos directivos do RC Deportivo da Coruña.
13:45 h.: Recepción de peñas convidadas por parte da Xunta Directiva da peña anfitrioa.
14:00 h.: Xantar no souto de Correlos baixo carpa (sardiñada e churrascada cun aperitivo sorpresa) -prezo: 10 €; pan, viño e café incluídos-
15:30 h.: Intervención dos membros directivos do RC Deportivo da Coruña
16:00 h.: Actuación do grupo cómico-musical “Trío Forza Dépor”
17:00 h.: Intervención do voceiro da Federación de Peñas do Deportivo.
17:30 h.: Presentación da bufanda oficial da Peña “Pardo de Cela”
18:00 h.: Actuación do grupo cómico-musical “Trío Forza Dépor”
20:00 h.: Despedida e agradecemento aos directivos do club e ás peñas convidadas por parte da Xunta Directiva da peña anfitrioa.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
