Burela, 1 de setembro de 2017. A Concellería de Servizos Sociais organiza un ano máis un obradoiro para a prevención da dependencia destinado a persoas maiores de 65 anos. A inscrición no programa Axilmente estará aberta ata o 11 de setembro no Concello burelés.
A concelleira Patricia Otero explica que “os interesad@s poden inscribirse dende hoxe, 1 de setembro, e ata o día 11 deste mes na Casa do Concello, en horario de 8:00 a 15:00 horas. Será preciso presentar o DNI e para calquera dúbida poden poñerse en contacto chamando ao teléfono 982 58 06 09, ou ben persoalmente”.
A edil socialista subliña que “esta actividade está dirixida a residentes no concello de Burela e con preferencia os/as empadroados/as aquí. O programa denomínase Axilmente e terá lugar en dúas quendas, os luns e mércores e martes e xoves, de 17:00 a 18:30 horas na Casa da Terceira Idade de Burela. Dará comezo o vindeiro luns, 4 de setembro, aínda que mantemos aberta a inscrición ata o día 11”.
A concelleira de Servizos Sociais, Patricia Otero, indica que “se trata dun obradoiro de promoción da autonomía persoal, de carácter gratuíto, baseado na estimulación cognitiva e na prevención da dependencia. E no mesmo preténdese traballar as variables que determinan o envellecemento exitoso, de forma que incidindo nelas, as persoas maiores adquiran as ferramentas necesarias para mellorar a súa calidade de vida, ser autónomas nas actividades da vida diaria e incorporar unha serie de hábitos de autocoidado, tanto no ámbito sanitario como cognitivo”.
ÚLTIMA HORA
- O PP de Vilalba alerta de que “as constantes obras na rúa da Pravia perpetúan o prexuízo económico para o comercio e os veciños”
- Mogo: “O PP rexeita a proposta socialista para alcanzar o 100% da cobertura en conexión dixital da provincia de Lugo”
- Ameijide: “A nosa acción de fiscalización e control obrigou a PSOE e BNG a dar marcha atrás a numerosas decisións erróneas na Deputación”
- O TSXG expón unha cuestión de inconstitucionalidade contra a lei que desprotexeu ao lobo a pedimento de Ecoloxistas en Acción e o fondo para a Protección do Lobo Ibérico
- Quedou estabilizado ás 23.48 horas deste luns o incendio do concello de Xermade, parroquia de Roupar, que segundo as últimas estimacións afecta unha superficie de 35 hectáreas
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións. - Guille, Sandra e Pita proclamáronse gañadores do VIII Mus na Praia, organizado pola asociación cultural LuMus o pasado sábado en Ribadeo
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”. - A Presidenta da Deputación, Carmela López, asistiu en Burela ao partido do Mundial entre España e Cabo Verde na fan zone impulsada pola institución provincial, unha xornada que reuniu milleiros de persoas con concertos, arte e competicións deportivas, e que incluíu a retransmisión do encontro nunha pantalla xigante na Praza da Mariña
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades. - O mércores, 17 de xuño, ás 18:30 horas, alumnado de Danza Clásica da Escola Municipal de Música e Danza (EMMeD) ofrecerá unha actuación no Quiosco do Parque de San Francisco
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes. - O Concello de Cervo felicita a Santi González Villares, do club de tiro con arco Iadovi, pola consecución da medalla de prata no Campionato de España de Veteranos +50, celebrado esta fin de semana en Madrid
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España. - A ría de Ribadeo acolleu este domingo a terceira regata da Copa Deputación de Piragüismo, patrocinada pola Vicepresidencia da Deputación
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base. - Este sábado celebrouse no Pavillón Polideportivo do Valadouro a tradicional Exhibición de Patinaxe das Escolas Deportivas do curso 2025/2026
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
2021 Crónica 3 A Mariña - Implementado por GaliciaDigital