Ó goberno dun estado, chámaselle tamén poder executivo. Ten o simbolismo de que é o encargado de executar e ditar resolucións executorias que saen do lexislativo. O problema chega cando ese poder executivo, nas cuestións de fondo e de Política con maiúscula, non ten capacidade de executar. Ben si ten, mais quen o lidera ten outra forma de actuar ben distinta: “a velas vir” e que outros solucionen a papeleta. Esa foi sempre a actuación do Señor Rajoy, esperar e ser forte…. de feito sabemos que da eses consellos ós amigos íntimos, pensando en que o tempo o soluciona todo e a memoria colectiva é corta. Pero o que non contaba Rajoy é que ás veces o tempo pásache por diante como está a acontecer en Cataluña.
Este tipo de política só necesita un dogma inamovible e Rajoy e o PP, coa complicidade do Partido Socialista de España (que non obreiro) e dos laranxas, atopouno na Constitución Española, que se deixa usar da forma convinte e que ó parecer é moi complicado reformar agás claro está, para o interese do Capital. É certo que a consulta non é legal, non o nego, pero non é menos certo que o mundo avanza e o que era normal en 1978 non o é tanto en 2017 (hoxe as TV son en color e planas) pero non ía ser menos, no tema da Constitución, tamén estamos a velas vir. Gustaríame saber en que lugar da Constitución figura un organismo chamado Troika que marca dende fai anos a política económica do estado español e a vida de moitos de nós.
Coido que o paso por unha Deputación marcou a operatividade do Sr. Presidente, esa tranquilidade esa falla de transparencia é cómoda. O que si é certo é que pasará a historia de Europa como un político sen altura para o momento, sen capacidade e sen modernidade para ver que a definición da Europa dos estados está rematando co Brexit, con Escocia, con Cataluña, Pais Vasco, Bretaña, Irlanda …. e ten que ser tamén con Galicia.
O problema é que moitos políticos e partidos confunden conservador con conservar, con conservar estruturas cómodas e fáciles de controlar, con conservar mecanismos partidarios para asegurar a moqueta e garantir a súa rede partidaria. Non caen na conta de que non todo o mundo está a velas vir, e o final vai ser tarde para cambiar as cousas, pero iso é o que pretenden claro. Era ben non deixarlles, e ter moi presente que Galicia ten que estar na nova construción do orde global na nova Europa dos Pobos e do Piar Social.
Juan Carlos Piñeiro Docampo
Sº Xeral de CxG.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
