Foz, 20 de outubro de 2017.-O deputado no Parlamento de Galicia e secretario de Organización, Daniel Vega, manifestou este venres, no transcurso dunha reunión celebrada en Foz con afiliados e simpatizantes, que co PP estase a consolidar unha atención sanitaria máis próxima ao domicilio do paciente. Neste senso, precisou que dende o Grupo Popular rexistrouse unha iniciativa a través da que solicitan cifras concretas derivadas da implantación da Estrutura de Xestión Integrada (EOXI) de Lugo, Cervo e Monforte.
Durante a xuntanza, na que tamén participou o deputado nacional, Jaime de Olano, Daniel Vega deu conta das preguntas que se trasladaron a Xunta de Galicia. Dun xeito máis preciso, o popular explicou “que queremos saber o número de consultas primeiras e sucesivas, ademais das probas diagnósticas que foron realizadas por facultativos do Hula no hospital da Mariña dende a creación da EOXI”.
A área integrada de Lugo, Cervo e Monforte proporciona asistencia para a mellora da saúde da poboación, onde a docencia e a investigación se constitúen como elementos inherentes ao proceso asistencial, contando con excelentes profesionais, medios tecnolóxicos, de información e comunicación.
Neste eido, a xestión integrada permite que “as alianzas entre atención especializada, rede de atención primaria e outras institucións e centros implicados coa saúde, garantan a continuidade asistencial e a mellora global do sistema”, considera o popular. Entre os beneficios desta modelo de xestión, que se busca consolidar coa reforma da lei, “tamén se atopa o feito de que acercan os profesionais aos pacientes evitando viaxes desde A Mariña ata Lugo cidade”.
Unidade de Hospitalización a Domicilio
Daniel Vega tamén preguntará en sede parlamentaria polo número de persoas que se están a beneficiar da hospitalización a domicilio na área de influencia do Hospital da Mariña desde a súa posta en funcionamento. De igual modo, quere saber que tipo de patoloxías son as máis susceptibles de ser tratadas a través desta unidade e como se xestiona, no día a día, a hospitalización a domicilio.
O deputado autonómico lembrou que o Servizo Galego de Saúde creou e puxo en marcha despois do verán de 2013 unha Unidade de Hospitalización a Domicilio (HADO) para a área sanitaria de Cervo; e desde outubro de 2015, este centro hospitalario conta co segundo equipo da HADO.
Respecto a esta área, o popular explicou que a hospitalización a domicilio é unha alternativa asistencial que se mostra como unha das tendencias da atención especializada e coa que se pretende evitar ao enfermo a estadía nun lugar alleo ao seu contorno habitual, prestando ao paciente no seu domicilio a atención médica e de enfermería que requira.
Aposta da Xunta polo hospital da Mariña
Para o deputado popular as cifras clarifican o obxectivo da Xunta de Galicia de achegar o maior número de servizos posibles aos cidadáns, o que se suma a outras accións do Goberno galego que demostran a determinación do executivo autonómico de potenciar o Hospital da Mariña dotándoo de máis servizos e converténdoo nun hospital moderno como se pode comprobar coa ampliación que se está a levar a cabo e que supón un investimento de 20 millóns de euros.
Por último, Vega quixo precisar de novo que coa xestión integrada hai máis e mellores servizos sanitarios no Hospital de Burela, “que sigue avanzando pois non debemos esquecernos de que está en plena ampliación”.
Escoita activa
Con esta xuntanza, Daniel Vega e Jaime de Olano proseguiron coa rolda de xuntanzas que está a levar a cabo coa afiliación mariñana, e a través das que se pretende escoitar a simpatizantes e á cidadanía en xeral, así como levar as súas propostas alá onde o Partido Popular ten representación política e institucional.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
