Lugo, 26 de outubro de 2017.- A Consellería de Infraestruturas e Vivenda dotará ao concello de Trabada, que ata o de agora carecía de transporte público por autobús, dunha ruta que unirá esta localidade co Hospital da Costa, en Burela.
A liña, de nova creación, habilitarase todos os días laborais, de luns a venres, con saída ás 8.30 horas desde Trabada e regreso de Burela ás 14 horas.
O itinerario previsto inclúe paradas en Trabada núcleo urbano, Lourenzá, Vilamar, Casa da Cultura de Foz, estación de autobuses de Foz, Hospital da Costa, avenida arcadio Pardiñas 154, e estación de autobuses de Burela.
O delegado territorial da Xunta en Lugo, José Manuel Balseiro, explicou que a Xunta foi sensible ás demandas da veciñanza de Trabada pese a que, lembrou, o Concello non presentou ningunha alegación durante o prazo establecido para solicitar estes cambios, do 30 de maio ao 10 de xuño.
“Con todo, a Xunta sempre estivo disposta a facer axustes puntuais para mellorar e adaptar as rutas ás necesidades dos viaxeiros. E de xeito moi especial para que Trabada, que ata o de agora carecía de transporte por autocar, poida contar cunha liña compatible cos horarios de consultas e probas no Hospital da Costa”
Novos horarios na Pontenova
Pero esta non é a única novidade avanzada polo delegado territorial da Xunta, xa que logo a administración autonómica tamén vén de autorizar un cambio de horarios na ruta entre Ribadeo, A Pontenova e Lugo.
De luns a venres, en sentido Pontenova – Lugo a saída terá lugar ás 7,20 da mañá e ás 18.35 horas. Tamén de luns a venres, para regresar de Lugo á Pontenova, a saída da capital provincial terá lugar ás 13.15 e ás 20.30 horas
Finalmente na fin de semana habilitarase un autocar con saída ás 16,25h desde Ribadeo e paso estimado pola Pontenova ás 17.00 h camiño de Lugo.
“Dáse deste xeito satisfacción ás demandas dos veciños que querían unha conexión por autocar compatible cos horarios de consultas e probas do hosptial Lucus Augusti”-dixo o delegado territorial.
Balseiro lembra que tampouco neste caso o Concello da Pontenova presentou alegacións durante o prazo establecido, nin participou nas reunións convocadas ao efecto. “Só mandou un escrito solicitando cambios moito despois de que as novas rutas entrasen en funcionamento, pero aínda así a Xunta, detectada a necesidade de mellora, quixo facerse eco das demandas veciñais neste sentido”
Desde a administración autonómica lembran que sempre estiveron dispostos a realizar adaptacións puntuais no plan de transporte por estradas co obxecto de mellorar a conexión das zonas rurais e os principais puntos estratéxicos, como é o caso dos hospitais ou centros de saúde.
Balseiro lembra que o Goberno galego tamén impulsou e autorizou unha liña de nova creación entre Alfoz, Valadouro, Foz e Burela, que eran outros dous municipios que ata a reforma impulsada pola Xunta carecían de calquera liña de transporte.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
