Burela, 22 de marzo de 2018.- O Grupo Municipal Popular burelés advirte que vinte meses despois de asinarse o contrato coa empresa redactora, a Relación de Postos de Traballo (RPT) do Concello de Burela aínda non foi presentada na Mesa de Negociación aos representantes dos traballadores; o que, aseguran, “unha vez máis demostra a falla de traballo e nula preocupación polos asuntos municipais do alcalde e do seu equipo, e que por riba nos custa 16.280’00€ saídos dos cartos de todos os cidadáns de Burela”, destacan.
Os populares lembran que o contrato entre a entidade local e a empresa redactora asinouse en xuño de 2016, e que o prazo de execución do servizo era de tres meses. “O que pasa é que a empresa non debeu ter en conta na súa oferta o tempo que se toma o alcalde para adoptar unha decisión…”, apuntan.
Desde o GMP afirman que “o certo é que, vinte meses despois, o documento está nun caixón sabe Deus onde, e sen ser informado pola Mesa de Negociación e, polo tanto, sen levar ao Pleno da Corporación”. Por iso, consideran que o alcalde debería explicar cales son os motivos “de semellante e inaudito retraso, aínda que moito nos tememos que as causas esteñan no axuste económico de determinados postos de traballo que o socialista desexa facer pero que resultarían algo escandalosos”, afirman.
“O asunto é especialmente grave”, indican os populares, xa que se no ano 2016 houbo seis reunións da Mesa Xeral de negociación; en 2017 só houbo unha e, no que vai de 2018, dúas; pero sen ningún avance no asunto da RPT ou no abono da produtividade ou horas extras, para o que xa había partida orzamentaria en 2017, e que na súa meirande parte segue intacta. A isto hai que engadir, sinalan dende o PP, que, “por riba, o regulamento que o alcalde dixo que se elaboraría a tal fin segue sen ser presentado”.
Neste senso, advirten que, a través das actas de todas estas sesión, se pode constatar como a reposta máis habitual do alcalde é “isto mirarase na próxima mesa”, deixando así todos os asuntos pendentes; o que xenera malestar entre os representantes dos traballadores. Tanto é así, que, na última reunión mantida o sete deste mes, participaron representantes a alto nivel provincial de certos sindicatos para decirlle ao dirixente local que non se podía seguir mantendo a situación actual de parálise.
“Situación traxicómica”
Para os edís do PP, “esta situación ainda é máis traxicómica se temos en conta que ás mesas de negociación asisten, ademais do alcalde, o primeiro tenente de alcalde, o Sr. Fernández Rey, recoñecido sindicalista na empresa onde traballa, e a Sra. Otero, avogada que leva asuntos laborais, pero nin así conseguen sacar a RPT para adiante; o que demostra que os tres son tres consumados incompetentes políticos”. A este respecto, remarcan que, precisamente, algún sindicato presentou alegacións aos Orzamentos de 2016 e 2018; o que implica que haxa que levalos de novo a Pleno.
“Burela é un despropósito”
Dende o Partido Popular lamentan que este non sexa o único caso de inoperancia do alcalde e dos seus concelleiros. “Se fose o único, poderíamos darnos cun canto nos dentes”, ao tempo que engaden: “aí está o asunto do mercado, que leva dous anos de si vou para aquí ou vou para alá; o plan de tráfico, que debe ser impactante porque ninguén o coñece e eiso que o alcalde xa se referiu a el en outubro de 2015; a peonalización de certas rúas, do que tamén o socialista falou abundantemente; ou a xestión directa municipal dos servicios de auga e recollida de lixo e limpeza viaria, que seguen como estaban hai tres anos, ou sexa, externalizados. Burela xa non é bonita, Burela é un despropósito grazas ao goberno municipal socialista”, conclúen.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
