Lugo 24-4-18. O delegado do Goberno en Galicia, Santiago Villanueva, presentou as balizas intelixentes en climatoloxía adversa (BICA) na A-8, alto de O Fiouco. Un acto no que estivo acompañado polo director do Centro de Xestión de Tráfico do Noroeste, Ramiro Martínez; a xefa provincial de tráfico de Lugo, Paula Yubero Praza; a coordinadora da DGT en Galicia, Mª Vitoria Gómez Dobarro; o xefe do Subsector de Tráfico de Lugo, José Miguel Martínez; o tenente coronel Francisco Javier Molano, e o subdelegado do Goberno en Lugo, Ramón Carballo.
Trátase dun proxecto no que se está traballando desde o ano 2015 que consiste na instalación de balizas intelixentes baseado nun sistema de iluminación composto de tecnoloxía leds en ámbar e vermello sobre un poste de 1,5 metros de altura. Segundo destacou, é un elemento de advertencia que, ante situacións de néboa, activará a cor ámbar indicando a trazada da autovía en condicións de seguridade.
Cando o sistema detecta o paso dun vehículo, ilumínase a parte da baliza en cor vermella para sinalar ao vehículo que vén detrás que hai un vehículo que lle precede. Deste xeito se indica a obligatoriedade de manter unha distancia de seguridade apropiada e permítelle ver o movemento de desprazamento do citado vehículo.
Desde o pasado mes de febreiro o sistema está instalado nun tramo experimental de medio quilómetro en ambos carrís sentido crecente e está previsto que se amplíe a cinco quilómetros ciñéndose á zona con maior afectación de néboa. Así mesmo, instalouse un panel-esbozo de información para que os usuarios da vía sexan coñecedores deste sistema instalado.
A semana pasada, durante a celebración do 18º congreso da Asociación de Sistemas Intelixentes de Transportes (ITS), o director xeral de Tráfico, Gregorio Serrano, recibiu un recoñecemento pola instalación das balizas intelixentes en climatoloxía adversa, un premio que posteriormente foi entregado ao director do Centro de Xestión de Tráfico do Noroeste, Ramiro Martínez. O galardón foi concedido pola efectividade que demostrou a BICA como ITS (sistema intelixente de transporte) aplicado á seguridade vial.
Segundo indican dende o Ministerio, a medida presentada únese ás xa postas en práctica previamente para dar resposta ás necesidades de seguridade deste tramo, e tras reunións entre todas as partes competentes en materia de seguridade vial, aplícanse desvíos neste tramo cando se ve afectado por néboa moi desfavorable, onde hai instaladas cámaras de seguridade, balizas delimitadoras e paneis de mensaxe variable. Todos estes dispositivos informan constantemente ao Centro de Xestión de Tráfico e desde aí sinalízase oportunamente para informar aos usuarios da vía do estado da mesma e incrementar dese xeito a seguridade da autovía.
Estas iniciativas desenvolvéronse tendo en conta que neste punto da autovía prodúcense constantes bancos de néboa debido á elevación orográfica e a situación climatológica, que provocan unha redución da visibilidad que afecta á seguridade vial.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
