O Concello de Foz rematou as obras de mellora da estrada que cruza o barrio de Alemparte, en Cangas. Estes traballos contaron cun investimento de case 90.000 euros

Foz, 24 de abril de 2018. O Concello de Foz ven de rematar as obras de mellora da estrada que cruza o barrio de Alemparte, en Cangas. Estes traballos, que contaron cun investimento de case 90.000 euros, foron solicitados pola asociación de veciños desa parroquia.
O alcalde de Foz, Javier Jorge Castiñeira, anunciou hoxe que “queda xa rematada a obra de reparación da estrada de Alemparte que vai do cruce coa LU-162, que é a estrada de Cangas a Ferreira, polo barrio de Alemparte, atravesa A Lamallada e baixa ata o cruce coa N-642, fronte á ITV. Son 2.100 metros de percorrido cun ancho medio case de 5 metros e a totalidade dos traballos foron arredor de 90.000 euros. Ademais do asfaltado inclúe a rexeneración das cunetas”.
Javier Castiñeira lembra que “é unha obra que no seu momento solicitou a asociación de veciños e así esta estrada queda nun estado moi bo” e destaca que “é unha vía importante de mobilidade para esta parroquia”.