LUGO .- A Deputación estuda os danos ocasionados nas estradas provinciais da Mariña debido ao forte temporal de choiva que se rexistrou esta fin de semana e mantén rutas alternativas sinalizadas en dous treitos das CPs 6604 e 6502 ante o risco de novos desprendementos
Nota de Prensa
A Deputación estuda os danos ocasionados nas estradas provinciais da Mariña afectadas polas choivas
O organismo provincial mantén rutas alternativas sinalizadas en dous treitos das CPs 6604 e 6502 ante o risco de novos desprendementos
A Deputación estuda os danos ocasionados nas estradas provinciais da Mariña debido ao forte temporal de choiva que se rexistrou esta fin de semana. Precisamente, o Presidente da Deputación, José Ramón Gómez Besteiro, ordeou a primeria hora da mañá o desprazamento dos técnicos do servizo de Vías e Obras do organismo provincial á zona para avaliar os desperfectos.
Principalmente, os problemas rexistráronse na CP 6502 de Vilalba por A Balsa a Chavín, e a CP 6604 de Magazos por Figueiras a Cabreiros, ambos os dous viais ao seu paso polo Concello de Viveiro.
No caso da CP 6502, o treito afectado sitúase no punto quilométrico 46, onde os 75 litros de auga por metro cadrado que se chegaron a rexistrar na zona provocaron o deslizamento da ladeira á estrada. No punto quilométrico 0,700 da CP 6604, o peso das bolsas de auga lograron fundir a plataforma do vial.
A Deputación decidiu manter as rutas alternativas debidamente sinalizadas en ambos os dous treitos ante o perigo de novos desprendementos, e para dar comezo
coa máxima axilidade os traballos de mellora. O organismo provincial deberá agora aprobar unha partida presupostaria con carácter de emerxencia para reparar o taude da estrada 6502, e cambiar o trazado da 6604.
Durante a fin de semana, a Deputación estivo en alerta ante o forte temporal que afectou sobre toda á Mariña Occidental e Central, e que provocou asolagamentos que obrigaron a pechar ao tráfico dende o sábado as dúas estradas afectadas.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
