Burela, 12 de maio de 2018. O BNG inaugurou onte en Burela a súa nova sede, coa pretensión de abrir un novo espazo máis adaptado ás actuais necesidades da organización. O novo local non só será o punto de encontro da afiliación e simpatizantes do BNG, senón que pretende ser un espazo aberto a todos os veciños e veciñas de Burela. Deste xeito, a formación nacionalista busca disponibilizar un lugar estábel no que poder manter un contacto permanente coa veciñanza, colectivos, asociacións e entidades de distinto tipo, así como persoas que queiran realizar consultas e suxerencias a título particular.
O acto de inauguración contou coa presenza da deputada do BNG no Parlamento Galego, Olalla Rodil, que aproveitou a ocasión para dar conta das distintas iniciativas presentadas polo BNG no Parlamento en relación ao Centro de Saúde de Burela. Rodil informou da negativa do PP á creación do servizo de fisioterpia en Burela e adiantou que formulará distintas preguntas para demandar do Goberno Galego que aclare cal é a situación da pediatría nos centros de saúde de Burela, Cervo, Xove e Valadouro. Ao acto inaugural tamén asistiu Ana Ermida, responsábel comarcal do BNG e Mario Pillado, portavoz municipal do BNG.
O BNG saca á rúa un novo número do seu boletín informativo.
No acto tamén foi presentado o novo número d’O Faro, o boletín de información local do BNG, no que se fai un balance dos 3 anos do Goberno Municipal do PSOE en Burela. Mario Pillado sinalou que “nos atopamos ás portas do último ano da actual lexislatura, iniciada en xuño de 2015, e desde o BNG cremos que é tempo de abondo para facermos balance das políticas levadas a cabo polo actual goberno municipal en Burela”.
Neste novo número do boletín, a formación nacionalista fai unha análise das distintas actuacións levadas a cabo polo PSOE, con especial atención á prestación dos servizos básicos, onde se poden constatar numerosas promesas incumpridas ao longo destes tres anos de goberno. “Se ben é certo que nas eleccións locais de maio de 2015 se produciu un cambio político en Burela, non é menos certo que esta mudanza non supuxo unha mellora substancial na prestación dos servizos básicos, na aplicación de políticas sociais e de emprego ou na humanización de espazos públicos na nosa vila”, engadiu Pillado.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
