Nota de Prensa
BASANTA DESMINTE A BALSEIRO E RECORDALLE QUE A GALESCOLA DE FOZ É UN PROXECTO DO BNG
O portavoz nacionalista declara que “os veciños de Foz xa están cansos de propaganda e queren feitos”
Foz, a 12 de febreiro de 2010.- O BNG de Foz quere saír ao paso das declaracións do deputado autonómico, Sr. Balseiro, sobre a Galescola de Foz pola cantidade de imprecisións e de demagoxia que conteñen.
O BNG quere recordarlle ao Sr. Balseiro que a Galescola de Foz é un proxecto da Vicepresidencia da anterior Xunta de Galiza, dirixida polo BNG. Proxecto que enmarcaba dentro dun máis amplo para dotar á Mariña de todos os servizos sociais indispensables. Un proxecto ambicioso que estaba en marcha e que o PP non fixo nin por asomo nos seus máis de 16 anos de goberno na Xunta porque o PP non ten proxectos que teñan que ver cos servizos públicos: os proxectos son dos privados e dos particulares para os que traballan. Coa axuda do Concello a obra realizouse e aí está cunha aportación que superaba o medio millón de euros, algo máis dos 40.000 euros que puxo para este ano o PP. O Convenio para abrir a Galescola asinouse en decembro do 2008 e en dous meses o Concello de Foz debía de facer a cesión das instalacións para poñela en marcha, cousa que non fixo e que o BNG lle recriminou ao goberno local en varias ocasións. A Galescola contábase que abrira as súas portas en setembro deste curso escolar.
Pero, desde marzo do 2009 o PP está na Xunta e é o máximo responsable de que a escola infantil de Foz non estea a estas alturas aberta. Basanta advírtille ao deputado do PP que todas estas declaracións espera que non sexan manobras de distracción en torno ao compromiso verbal e por escrito de abrir a galescola no próximo mes de marzo porque é preocupante que a mediados de febreiro aínda non saibamos nada tanto do mobiliario necesario como do persoal que se vai a contratar.
O BNG, nas súas áreas e sen rematar a lexislatura de catro anos, foi capaz de poñer en marcha na comarca varias galescolas, varios centros de día e unha oficina I+B, ademais de servizos como o de transporte adaptado e o de xantar na casa. O PP aínda non fixo nada na Mariña máis que recoller o feito polo anterior goberno e no peor dos casos eliminar algún destes servizos como os da oficina I+B de Mondoñedo ou privatizar todo o que se lle pon ao alcance como a Residencia de Viveiro. Esa é a política do PP en Galiza, comparable a que practica a Sra. Aguirre en Madrid pero que os mariñáns non deben nin van a permitir.
O BNG de Foz recórdalle ao Sr. Balseiro que tiña dúas débedas con Foz durante esta lexislatura: o servizo de urxencias e un Centro de Día Residencial. Da primeira os focegos xa sabemos a resposta: o PP non porá o Servizo de Urxencias en Foz nunca. Respecto da segunda esperamos que, unha vez cedidos xa os terreos para construilo, o PP sexa capaz de chegar á altura política á que chegou o BNG nos seus proxectos para Foz. Basanta suxírelle ao Sr. Balseiro e ao PP ”que se poñan as pilas porque catro anos pasan rápido e o Centro de Día non pode esperar”.
Para o BNG, Foz non merece este trato por parte do PP pois é o único concello grande da Mariña que non conta con Centro de Día nin con PAC, grazas a políticos tan comprometidos e volcados cos servizos públicos coma a Sr. Balseiro.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
