Nota de Prensa
O PLAN DO LITORAL AFECTA EN CERVO A 1206 HECTÁREAS DAS QUE 586 ESTÁN SITUADAS POR RIBA DO 500 METROS DE COSTA
O POL limita usos residenciais na zona de Lieiro e San Cibrao ate Río Covo e elimina solo urbanizábel existente no planeamento entre a Praia da Limosa e a desembocadura do Covo
As previsións de expansión de San Cibrao incluídas no PXOM e a modificación das normas actualmente en tramitación en Lieiro non entran nas determinación fixadas polo POL
Os nacionalistas agardan do PP o mesmo esforzo na defensa dos intereses dos veciños que o mostrado noutro tempo cos dos promotores
Cervo, 12 de febreiro de 2010. O Consello Local do BNG analizou en Cervo a documentación contida no Plan do Litoral presentado pola Xunta e que nestes momentos está á espera de análise por parte dos concellos. Os nacionalistas cervenses que se tiveron que facer cunha copia do documento fora do concello a pesar de tela solicitado ao goberno local cervense, fixeron un análise pormenorizado do grao de afectación que este documento terá no ordenamento urbanístico municipal e tal como se agardaba as limitacións de usos residenciais exceden dos 500 metros de costa incluso en zonas que ate agora eran urabanizábeis. O BNG pediu ao PP o mesmo esforzo na defensa dos intereses dos veciños e veciñas que o mostrado noutro tempo cos promotores.
Os usos residenciais en San Cibrao e Lieiro quedan delimitados ao norte do trazado da vía férrea á espera da aprobación do PXOM.
Os nacionalistas cualificaron de despropósito as determinacións contidas no Plan do Litoral aprobado inicialmente polo Goberno Galego na súa afectación ao concello de Cervo, de acordo co disposto neste documento 1.206ha de solo estarán sometidas a diferentes graos de protección, destacando que 586ha están por riba do 500 metros da costa; o portavoz nacionalista, Xoán Antón Estúa, preguntouse onde están os discursos catastrofistas do PP xa que agora non estamos diante dun decreto provisional, senón dunha normativa marco á que haberá que adaptarse. Os nacionalistas informaron da existencia de 370ha. de solo de protección , das que 120 poderían considerarse como solo urbano non consolidado, nas que non se vai permitir ningún uso residencial a pesar de que os seus propietarios levan anos pagando o catastro de urbana. Estúa, aclarou que toda a zona de Lieiro ao sur da vía férrea, así como todo o tramo entre Galdín e Rio Covo queda pendente da redacción do PXOM que determinará o seu uso, e os terreos existentes ente a praia da Limosa e a desembocadura do Covo queda eliminada calquera posibilidade de expansión urbanística, polo que Estúa pediu ao PP o mesmo esforzo na defensa dos intereses veciños que o que puxo cando o fixo cos de algúns promotores.
As afectacións do POLO chegan ao Alto da Venta e Figueirido polo corredor de protección dos ríos Covo e Xunco.
Os nacionalistas informaron que a área de afectación do POL para Mellora Ambiental e Paisaxística(MAP) afecta no concello de Cervo a 304ha. nas que agás excepcións, non están permitidos usos residenciais. Incluíndose nesta franxa toda a zona costeira dende a Praia da Limosa até o límite con Burela ao norte e sur da vía férrea. Por outra banda a protección de corredor dos ríos Covo e Xunco establece áreas de protección que chegan no primeiro caso ao Alto da Venta e a Figueirido no segundo. Establécense núcleos de carácter urbano na Urbanización Río Covo, Baltar, Pedrosa, Fontao, Cuíña, Figueirido ou Daián que requiriran informes da Xunta para novos usos residenciais; ademais hai vivendas de Rueta que quedan fora de ordenación ao estar incluídas na área de protección de litoral.
Todo San Cibrao dende A Veiga ate o Faro queda cualificado como Núcleo de Identidade de Litoral polo que terá condicións específicas que obrigarán a xustificar novas edificacións.
A inclusión de San Cibrao como Núcleo de Identidade de Litoral obrigará a xustificar novos crecementos urbanísticos, que en calquera caso atenderán aos criterios de manter a morfoloxía tradicional da vila de acordo con tipoloxías urbanísticas acordes co entorno, coidando a consolidación da malla urbana con especial atención ao tratamento da fachada marítima.
O PXOM e a modificación puntual das normas de planeamento en Lieiro son papel mollado coas determinacións fixadas polo POL
Por último, os nacionalistas lembraron que o goberno municipal leva oito anos arrastrando a redacción do PXOM que agora entra en contradición co POL ao que se deberá adaptar, polo que Estúa preguntouse canto vai tardar o alcalde en explicarnos como vai solucionar o problema. Estúa ademais lembrou que a modificación puntual das normas subsidiarias de planeamento no núcleo de Lieiro, aprobadas inicialmente e en periodo de alegacións, son papel mollado de non aprobarse antes que o POL, xa que a área afectada fica fora de ordenación até que o PXOM determine os seus usos.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
