Burela 11-11-18. O Pescados Rubén Burela FS recolleu tres puntos esta mañá na pista do Rivas Futsal (2-5) que o manteñen na primeira praza de Segunda LNFS na xornada 9, con 2 de vantaxe sobre Real Betis Futsal e 3 sobre Talavera e Manzanares. Os de Juanma Marrube saíron vitoriosos da complicada pista de goma madrileña cun paso adiante na solvencia goleadora na segunda parte, tras o 1-1 ao descanso.
Malia ser superiores, os laranxas tiveron que conformarse coas táboas na primeira parte. Á iniciativa de Pitero, no 13, reaccionou o Rivas no 16, cunha xogada de estratexia que tocou en Pope antes de perforar a rede. Regresou o Pescadso Rubén coa orde por bandeira trass o descanso e axiña atopou recompensa, no minuto 23, cun lanzamento de Juanfran, en propia porta de Fran Conde. A Xoia Laranxa máis nova, Pitero, ampliou distancias no 28. Así, os de Juanma Marrube souberon xestionar a vantaxe de 3-1 e Juanfran, no 32, puxo o 1-4. Os madrileños apostaron con porteiro xogador con máis de oito minutos por diante e chegou o quinto galego, nas zapatillas de Hélder. Lucho viu a segunda amarela a falta de 2’46” para o final e só aí os locais puideron anotar o 2-5 definitivo, a través de Alberto, aproveitando a superioridade.
Ficha técnica
Rivas Futsal: Fernández, Fran Conde, Jorge Lázaro, Samu, Daniel, cinco inicial; tamén xogaron Chicho, Alberto, Rubio, Jorge Ballano, Javier de Quadros, José León
Pescados Rubén Burela FS: Edu, Hélder, Renato, Pope, Vargas, cinco inicial; tamén xogaron Pitero, Lucho, Juanfran, Porto, Matamoros
Goles: 0-1, minuto 13, Pitero; 1-1, minuto 16, Pope (p.p.); 1-2, minuto 23, Fran Conde (p.p.); 1-3, minuto 28, Pitero; 1-4, minuto 32, Juanfran; 1-5, minuto 33, Hélder; 2-5, minuto 39, Alberto
Árbitros: Bravo Sarango // Medina Herrera. Por Burela amarela a Luisma e dobre amarela a Lucho (expulsión no minuto 38)
Incidencias: Partido correspondente á xornada 9 de Segunda LNFS disputado en Parque Sureste.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
