Burela 17-11-18. O pavillón da Seca presenciou esta tarde un vibrante, espectacular e rifadísimo derbi entre Poio Pescamar e Pescados Rubén Burela FS, do que se apropiaron as mariñás na segunda parte (2-4) para seguir mandando na clasificación de Primeira RFEF Liga Foro 16 Feminismo. As pupilas de Julio Delgado e Lucas recuperáronse de cada iniciativa goleadora das locais ata que tomaron vantaxe no 33, con Peque, e 34, co Alves.
Alves, no 9, e Peque, no 10 contra o pau, avisaron das intencións das laranxas que despregaron o seu maior perigo e ocasións nos tres minutos seguintes. Con todo foi o Poio o que estreou o luminoso, no 13, de estratexia, cun córner que materializou a ex do Pescados Rubén, Ceci, desde os doce metros. No 16 Iria Saeta evitou o empate, pero o merecido gol chegou no 19, a sempre máxica Cilene puxo as táboas nunha xogada individual pola banda que gañou no un contra un. Foise o Burela FS coa sensación de merecer máis por dominio, xogo e ocasións.
Aos 36 segundos do reinicio, as pontevedresas volveron adiantarse no luminoso con Ale de Paz, de novo de estratexia, fronte a un balón ao que as de Julio Delgado se adiantaron, superando as súas costas as pontevedresas. Con todo, as táboas regresaron no minuto 23, con diana de Dany, tras recuperación e asistencia de Peque. Asociáronse de novo Peque e Dany para poñerse por primeira vez por diante, no 33; a 7 laranxa apoiouse na posición de pivote da brasileira para culminar unha bonita xogada. E tan só un minuto despois Alves, de dobre penalti, ampliou distancias. Quixo ir polo partido Poio con xogo de cinco sen éxito fronte á solidez das da Mariña.
Ficha técnica
Poio Pescamar FSF: Silvia Aguete, Ale de Paz, Ceci, Jessi, Dani, cinco inicial; tamén xogaron Ire, Iria, Jenny, Carol
Pescados Rubén Burela FS: Jozi, Dany, Cristina, Cilene, Peque, cinco inicial; tamén xogaron Jenny, Lara Balseiro, Alves, Cami
Goles: 1-0, minuto 13, Ceci; 1-1, minuto 19, Cilene; 2-1, minuto 21, Ale de Paz; 2-2, minuto 23, Dany; 2-3, minuto 33, Peque; 2-4, minuto 34, Alves
Árbitros: Martínez Torres // Roldán Pérez. Por Poio amarela para Iria, Carol, Jenny Lores. Por Burela amarela a Jenny.
Incidencias: Partido correspondente á xornada 8 de Primeira RFEF Liga Foro 16 Feminismo disputado na Seca.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
